| e-texts navigator |
| Wylie |
80a1 པར་བཤད། ། འདི་རྣམས་དོན་ནི་རྟོགས་པ་ཡིས།། སངས་རྒྱས་ཀུན་གྱི་བདག་ཉིད་འགྱུར།། དཔལ་བདེ་བ་དམ་པ་རྟོགས་པར་བྱེད་པ་དང་ལྡན་པ་ཞེས་བྱ་བའི་རྒྱུད་བྱིན་གྱིས་བརླབ་པའི་རིམ་པ་ཆེན་པོ
80a2 མཁའ་འགྲོ་མ་དྲ་བ་སྡོམ་པའི་བརྟག་པ་རྙོག་པ་མེད་པ་ཞེས་བྱ་བ་རྫོགས་སོ། ། ། ཡེ་དྷརྨཱ་ཧེ་ཏྲ་པྲབྷ་བཱ་ཧེ་ཏུན་ཏེཥཱན་ཏ་ཐཱ་ག་ཏོཿ་བདུཏྟ། ཏེཥྛཉྩ་ཡོན་རོད་ཨ་བ་བྷ་དཱི་མདྷཱ་ཤྲ་མ་ཎཿ། རྒྱ་གར་གྱི་མཁན་པོ་ག་ཎ
80a3 ཡ་དྷཱ་ར་དང་། བོད་ཀྱི་ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། ། རྒྱ་གར་སྐད་དུ། ཤྲི་སཾ་བ་ར་ཁ་ས་མ་ཏན་ཏྲ་རཱ་ཛ་ནཱ་མ། བོད་སྐད་དུ།། དཔལ་བདེ་མཆོག་ནམ་མཁའ
80a4 དང་མཉམ་པའི་རྒྱུད་ཀྱི་རྒྱལ་པོ་ཞེས་བྱ་བ། འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ
80a5 དང་གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་བཞུགས་སོ། ། དེ་ནས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་རྡོ་རྗེ་སྙིང་པོས་གསོལ་པ།། ཀྱེ་བཅོམ་ལྡན་འདས་གསང་བ་བས་ཀྱང་ཆེས
80a6 གསང་བ། གསང་བ་ཆེན་པོ་དེ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་སྙིང་པོ་ཁྱོད་ཉོན་ཅིག། སྲོག་དང་ལྔ་པ་དེ་བཞིན་དུ།། ལམ་དང་འབྲས་བུ་ཉིད་ཡིན་ནོ།། རྡོ་རྗེ་སྙིང་པོས་གསོལ་པ།
80a7 བཅོམ་ལྡན་འདས་སྲོག་གང་ལགས། བཅོམ་ལྡན་འདས་ཀྱིས་བཀའ་སྩལ་པ། སྲོག་ནི་འཛིན་པར་བྱེད་པ་སྟེ།། སྔགས་དང་རླུང་དང་རྟེན་ཉིད་དོ།། རྡོ་རྗེ་སྙིང་པོས་གསོལ་པ། བཅོམ་ལྡན་འདས་ལྔ་པ་གང
80a8 ལགས། ། བཅོམ་ལྡན་འདས་ཀྱིས་བཀའ་སྩལ་པ། སངས་རྒྱས་ལྔ་དང་འབྱུང་བ་ལྔ།། ལྔ་པ་ཡང་ནི་གཅིག་ཉིད་དོ།། རྡོ་རྗེ་སྙིང་པོས་གསོལ་པ། བཅོམ་ལྡན་འདས་ལམ་གང་ལགས། བཅོམ་ལྡན་འདས།
iiif viewer powered by OpenSeadragon
