| e-texts navigator |
| Wylie |
62a1 ཕྲ་བའི་གཟུགས། ། གསང་བའི་བདེ་བ་ལྷ་རུ་དེས།། དེ་ལས་བཟློག་པ་བཞི་པའི་ལྷ།། ལུས་ལས་བྱུང་ཕྱིར་ལྷ་ཞེའམ།། རྒྱུད་རྣམས་དག་བྱེད་ཕྱིར་ན་ལྷ།། ཆགས་པའི་ཕྱིར་ན་ལྷ་ཡིན་ཏེ།། རྒྱལ་པོ་ཤེས
62a2 རབ་རང་བཞིན་ཏེ། ཐབས་དང་ཤེས་རབ་རང་བཞིན་གྱི།། ཆགས་པ་ཆེན་པོའི་རྒྱུད་གསུངས་སོ།། དེ་ནས་ས་ཆེན་པོ་ཡང་ཆེར་གཡོས་པར་གྱུར་ཏེ།། མཆོད་པའི་སྤྲིན་གྱི་ཆར་ཆེན་པོ་ཡང་བབས་པར་གྱུར་ཏོ།། དེ་ནས
62a3 དཔའ་བོ་དང་མཁའ་འགྲོ་མ་རྣམས་ཀྱང་རྒྱུད་ཀྱི་དོན་ལ་དགའ་ཞིང་མགུ་སྟེ་རྗེས་སུ་ཡིད་རང་ནས་མི་སྣང་བར་གྱུར་ཏོ། ། དཔལ་ཆགས་པའི་རྒྱལ་པོའི་རྒྱུད་ཀྱི་རྒྱལ་པོ་རྫོགས་སྷོ།། །། རྣལ་འབྱོར་མ་ཙན་དྲ་མཱ་ལེ་དང་།།
62a4 ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །། རྒྱ་གར་སྐད་དུ། ཤྲཱི་ཌཱ་ཀི་ནཱི་སཾ་བ་ར་ཏན་ཏྲ་རཱ་ཛ་ནཱ་མ། བོད་སྐད་དུ། དཔལ་མཁའ་འགྲོ་མའི་སྡོམ་པའི་རྒྱུད་ཀྱི་རྒྱལ་པོ་ཞེས་བྱ་བ།། དཔལ་བདེ་བ་ཆེན
62a5 པོ་ལ་ཕྱག་འཚལ་ལོ། ། བདེ་བ་ཆེན་པོའི་རོས་གང་བས།། ཐམས་ཅད་སྟོང་པར་གྱུར་ནས་ཀྱང་།། ཧེ་ཧེ་མགོན་པོ་རྡོ་རྗེ་འཛིན།། མཁའ་འགྲོ་མ་ནི་ཇི་ལྟར་ལགས།། དེ་ཡི་སྡོམ་པ་ཇི་ལྟར་ལགས།། དམ་ཚིག་བསྲུང་བ་ཇི་ལྟར་ལཿ།།
62a6 རྡོ་རྗེ་ཕག་མོ་བདག་ལ་གསུངས།། ཉོན་ཅིག་རྡོ་རྗེ་ཕག་མོ་ཉོན།། དང་པོ་དམ་ཚིག་མཚན་ཉིད་ཀྱང་།། རྩ་བ་དང་ནི་ཡན་ལག་བཅས།། རང་གི་ལུས་ངག་ཡིད་གསུམ་དག། ཀུན་ནས་འཁྲུགས་ཏེ་གཞན་གྱི་ཡང་།། སྒོ་གསུམ
62a7 ཀུན་འཁྲུགས་ཆེན་པོ་སྟེ། ། རང་གཞན་སྒོ་གསུམ་འཁྲུགས་པ་འབྲིང་།། ཉམས་པ་འབྲིང་དུ་གསུངས་པ་ཡིན།། རང་གཞན་འཁྲུགས་པ་ཐ་མ་ཡང་།། ཉམས་པ་ཆུང་ངུ་ཡིན་པར་འདོད།། རེ་རེ་ལ་ཡང་གསུམ་གསུམ་སྟེ།།
62a8 ཉམས་པ་ཆེ་འབྲིང་དགུ་རུ་དབྱེ།། རང་ལ་མནར་སེམས་མ་སྐྱེས་ཀྱང་།། གཞན་ལ་མནར་སེམས་སྐྱེས་པ་ཡི།། བདག་གི་གཡེང་བས་རྐྱེན་བྱས་པ།། དེ་ཉིད་ཉམས་པ་འབྲིང་དུ་བཤད།། རང་ལ་མནར་སེམས་ཆེར་སྐྱེས་ཀྱང་།།
iiif viewer powered by OpenSeadragon
