| e-texts navigator |
| Wylie |
36b1 སྤོང་སྟེ་དེ་བཞིན་འཇོག། དེ་ཉིད་རང་རིག་ཆེན་པོ་སྟེ།། དེ་ཉིད་ཡེ་ཤེས་ཆེན་པོའོ།། དེ་ལྟར་ཤེས་ན་རྡོར་འཛིན་གྱི།། ས་ནི་ངེས་པར་ཐོབ་པའོ།། དཔལ་སྟོབས་པོ་ཆེའི་ཆུད་ལས་ཡེ་ཤེས་བརྟག་པའི་ལེའུ་སྟེ་བཞི་པའོ།།
36b2 དེ་ནས་ཡེ་ཤེས་ཆེན་པོ་ཡི།། བརྟག་པ་དེ་ཉིད་བཤད་པར་བྱ།། དང་པོར་རོ་མཉམ་གྱུར་པའོ།། སྟོང་པ་ཉིད་ཀྱི་རོ་མཉམ་ལ།། སྐུ་མདོག་ཕྱག་མཚན་ལ་སོགས་པ།། ཕུང་པོ་ཁམས་དང་སྐྱེ་མཆེད་སོགས།། རྩ་དང་རླུང་དང་ཐིག་ལེ་དང་།།
36b3 དགའ་དང་མཆོག་དགའ་བྲལ་བ་དང་།། དེ་ལ་སོགས་པ་ཐམས་ཅད་ཀུན།། སྒྱུ་མ་ཙམ་དུ་ཤེས་པར་བྱ།། དེ་ཉིད་གཞན་རིག་ཅེས་བྱ་སྟེ།། རང་རིག་སེམས་ཀྱི་དེ་ཉིད་ལ།། གཉིས་སུ་མེད་པར་བསྒོམ་པ་ནི།། དེ་ཉིད་ཡེ་ཤེས་ཆེན་པོ་སྟེ།། མཐར
36b4 བྱིན་བརྟག་པ་རྫོགས་པའོ། ། དཔལ་སྟོབས་པོ་རྗེའི་རྒྱུད་ལས་ཡེ་ཤེས་ཆེན་པོའི་ལེའུ་སྟེ་ལྔ་པའོ།། །། དེ་ལྟར་བཅོམ་ལྡན་འདས་ཀྱིས་བཀའ་སྩལ་བ་དང་།། རྡོ་རྗེ་སྙིང་པོ་ལ་སོགས་པ་དཔའ་བོ་དང་མཁའ་འགྲོ་མ་དང་།། རྣལ་འབྱོད།
36b5 མ་དང་།། མ་མོའི་ཚོགས་ཐམས་ཅད་རྗེས་སུ་ཡི་རང་ནས་ཕྱི་ནད་གསང་བའི་མཆོད་པས་མཆོད་ནས།། གཡོན་ཕྱོགས་ནས་ལན་གསུམ་བསྐོར་བ་བྱས་ནས་མི་སྣང་བར་གྱུར་ཏོ།། དཔལ་སྟོབས་པོ་ཆེའི་རྒྱུད་ཀྱི་རྒྱལ་པོ་རྫོགས་སྷོ།།
36b6 བཎ་ཌི་ཏ་གཱ་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། ། རྒྱ་གར་སྐད་དུ། ཤྲཱི་ཛྙཱ་ན་གུ་ཧྱ་ཏན་ཏྲ་རཱ་ཛཱ། བོད་སྐད་དུ།། དཔལ་ཡེ་ཤེས་གསང་བའི་རྒྱུད་ཀྱི་རྒྱལ་པོ།། དཔལ་བདེ་བ་ཆེན་པོ
36b7 ལ་ཕྱག་འཚལ་ལོ། ། བྱང་ཆུབ་ཕྱོགས་ཆོས་སུམ་བཅུ་རྩ་བདུན་གྱི།། རང་ལུས་རྩ་ཡི་འཁོར་ལོ་བཞིའི་གཙོ་བོ།། སྙིང་པོ་དེ་ལ་ཡང་དག་ཕྱག་འཚལ་ལོ།། དབང་བཞིའི་དེ་ཉིད་བདག་ལ་གསུངས།། ཉོན་ཅིག་རྡོ་རྗེ་སྙིང་པོའི་བདག
36b8 བསྐྱེད་པའི་རིམ་པའི་ལྷ་རྣམས་ཀྱི། ། དེ་ཉིད་དང་པོར་བཤད་བྱ་སྟེ།། དྲུག་བཅུ་རྩ་བཞི་དཔེ་བྱད་ཡིན།། སུམ་བཅུ་རྩ་བདུན་བྱང་ཆུབ་ཕྱོགས།། ལྔ་ནི་ཡེ་ཤེས་ལྔ་ཡིན་ཏེ།། དཔའ་བོ་གཅིག་པ་ཆོས་ཀྱི་དབྱིངས།། ཕྱག་མཚན
iiif viewer powered by OpenSeadragon
