| e-texts navigator |
| Wylie |
126b1 བ་མངོན་པར་འབྱུང་བའི་རྒྱུད་ཀུན་གྱི་རྩ་བར་གྱུར་པ་བསྟན་པ་འཛིན་པ། ། བསྟན་པ་སྐྱོང་བ། བསྟན་པ་བསྲུང་ངེས་པ། གསང་བ་བདུད་དཔུང་འདུལ་བར་བྱེད་པའོ།། ། དཔལ་མགོན་པོ་ཆེན་པོ་དངོས་གྲུབ
126b2 འབྱུང་བའི་རྒྱུ་དཀན་གྱི་སྙིང་པོར་གྱུར་པ་གདོང་ནས་གྲུབ་པའི་བླ་མ་ཡིན་ནོ། ། རྫོགས་སྷོ།། ། རྒྱ་གར་གྱི་མཁན་པོ་མ་ཧཱ་བཎ་ཌིཏ་ཨུཥྚ་ཨཱ་ཀཱ་ར་གྷཱ་བ་ཏ་པཱ་ཏའི་ཞལ་སྔ་ནས་དང་།
126b3 བོད་ཀྱི་ལོ་ཙྪ་བི་མཁས་པ་ཆེན་པོ་ཆུ་ནད་འཁོར་ལོ་གྲགས་ཀྱིས་བསྒྱུར་ཅིང་ཞུས་པའོ།། ཡང་སྨད་ནས་མཁས་པ་ཆེན་པོ་སངས་རྒྱས་གྲགས་པའི་སྤྱན་སྔར་ཀེ་པོ་ཤེས་རབ་དཔལ་གྱིས་ཀྱང་འུ་ཏིག
126b4 བགྱིས་པའོ། ། །། རྒྱ་གར་སྐད་དུ། ཤྲཱི་བུད་དྷ་ཀ་པཱ་ལ་ན་མ་ཡོ་གཏན་དྲ་རཱ་ཛཱ། བོད་སྐད་དུ། དཔལ་སངས་རྒྱས་ཐོད་པ་ཞེས་བྱ་བ་རྣལ་འབྱེར་མའི་རྒྱུད་ཀྱི་རྒྱལ་པོ།། དཔལ་སངས་རྒྱས་ཐོད་པ
126b5 ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་རུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེའི་དཀྱིལ་འཁོར་ཆེན་པོ་རྒྱན་དང་ལྡན་པའི
126b6 དབུས་སུ་དེ་བཞིན་གཤེགས་པ་ཐམས་ཅད་དང་། རྣལ་འབྱོར་མ་རྣམས་དང་ལྷན་ཅིག་ཏུ་བཞུགས་ཏེ། འཕགས་པ་ཀུན་དགའ་བོ་ལ་སོགས་པ་འདོད་ཆགས་དང་བྲལ་བའི་གཙོ་བོ་རྣམས་དང་། འཕགས་པ
126b7 སྤྱན་རས་གཟིགས་དབང་ཕྱུག་ལ་སོགས་པའི་བྱང་ཆུབ་སེམས་དཔའ་བྱེ་བ་ཕྲག་བརྒྱད་བཅུ་དང་ཡང་ཐབས་གཅིག་ཏུ་བཞུགས་སོ། ། དེ་ནས་བཅོམ་ལྡན་འདས་ཀྱིས་རྡོ་རྗེའི་ཚིག་གིས་རྡོ་རྗེ་ཆེན་པོའི་གནས་སུ
126b8 རྒྱུད་ཐམས་ཅད་དང་སྔགས་ཡང་དག་པར་བཤད་ནས། དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་དང་པད་མོའི་ཡང་དག་པར་སྦྱར་བས་བཙུན་མོའི་བྷ་ག་ར་ཡོངས་སུ་མྱ་ངན་ལས་འདས་སོ།། ། དེ་ཡོངས
iiif viewer powered by OpenSeadragon
