| e-texts navigator |
| Wylie |
147a1 སུ་མང་ངོ་ཏོ།། ཁྱེད་རྣམས་ཇི་ལྟར་བསྟན་པ་བཞིན་དུ་ནན་ཏན་དུ་སྤྱོད་ཅིག། སངས་རྒྱས་ཀྱིས་ཡོངས་སུ་གདམས་པའི་ལེའུ་འདི་བསྟནད་པའི་ཚེ།། ཉན་ཐོས་བདུན་ཁྲི་ཉིས་སྟོང་གྱིས་བླ་ན་མྱེད་པའི་བྱང
147a2 ཆུབ་ཏུ་སེམས་བསྐྱེད་པར་གྱུར་ད་ཏོ།། གཞན་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མྱི་འམ་ཅི་དང་། ལྟོ་ཕྱེ་ཆེན་པོ་དང་། མྱི་དང་མྱི་མ་ཡིན་པ་དང་། དེ་ལ་སྩོགས་པ་ཐམས་ཅད་སངས་རྒྱས་ཀྱིས་གསུངས
147a3 པ་ལ་རྗེས་སུ་ཡི་རང་བར་གྱུར་པ་ཏོ།། ། ཐབས་མཁས་པ་ཆེན་པོ་སངས་རྒྱས་དྲིན་ལན་བསབ་པའི་མདོ་ལས་ཉེ་བར་བསྟེན་པའི་ལེའུ་ཞེས་བྱ་སྟེ་དགུ་པའོ།། རྫོགས་སྷོ།།
147a4 རྒྱ་གར་སྐད་དུ།། ཤཱུན་ནྱ་ཏཱ་ནཱ་མ་མ་ཧ་སུ་ཏྲ་མ་བོད་སྐད་དུ།། མདོ་སྡེ་ཆེན་པོ་སྟོང་པ་ཉིད་ཅེས་བྱ་བ།། དཀོན་མཆོག་གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་ཅིག
147a5 ན། བཅོམ་ལྡན་འདས་ག&ནྡོ་ཀྱི་ཤར་གྱི་ཀུན་དཀའ་ར་བ་ན།། རི་དགས་འཛིན་གི་ཁང་བཟངས་ན་བཞུགས་སོ།། དེ་ནས། ཚེ་དང་ལྡན་པ་ཀུན་དགའ་བོ་ཕྱེ་དྲོ་ནང་དུ་ཡང་དག་པར་འཇོག་པ་ལས
147a6 ལངས་ནས།། བཅོམ་ལྡན་འདས་ག་ལ་བ་དེར་སོང་སྟེ་ཕྱི་ནང་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས་ཀྱང་བཅོམ་ལྡན
147a7 འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཙུན་པ་དུས་གཅིག་ན། བཅོམ་ལྡན་འདས་གག་ཀྱ་རྣམས་ཀྱི་ནང་ན། ཤག་ཀྱ་རྣམས་ཀྱི་གྲོང་རྡལ་གྲོང་ཁྱེར་སེར་སྐྱ་ཞེས་བགྱི་བ་ན། བཞུགས་པ་དེའི
147a8 ཚེ། དེ་ན་བཅོམ་ལྡན་འདས་ཀྱིས་འདི་སྐད་ཅེས་ཀུན་དགའ་བོ་ང་ནི། སྟོང་པ་ཉིད་ཀྱི་ལམ་མང་དུ་གནས་སོ་ཞེས་བཀའ་སྩལ་པའི་དོན་བདག་གིས་བཙལ་ལགས་ན། བཙུན་པ་ཅི་བཅོམ་ལྡན་འདས་ཀྱིས་བཀའ་སྩལ་པ།
147a9 བདས་ཀྱིས་ལེགས་པར་ཉན་ཅིང་ལེགས་པར་གཟུང་། ལེགས་པར་ཡིད་ལ་བགྱིས།། ལེགས་པར་བསྟེར། ལེགས་པར་རྟོགས་པ་དེ་གཞན་དུ་མ་ལགས་ཤིང་དེ་ལོན་བཞིན་ལགས་སམ། བཀའ་སྩལ་པ། ཀུན་དག
iiif viewer powered by OpenSeadragon
