| e-texts navigator |
| Wylie |
231a1 ཉམ་ཆུང་བར་བྱེད་པ་དང་། རྒུད་པའི་ཕྱོགས་སུ་གྱུར་པ་དང་། མྱ་ངན་ལས་འདའ་བར་མྱི་འགྱུར་བ་གང་། སྒྲིབ་པ་ལྔ་པོ་མ་སྤངས་པས་ནི། དྲན་པ་ཉེ་བར་བཞག་པ་བཞི་དག་ལ། སེམས་ཤི་ནད་ཏུ་ཉེ་བར་བཞག།
231a2 ནས་གནས་པ་ན། བྱང་ཆུབ་ཀྱི་ཡན་ལག་བརྙན་བསྒོམ་སྟེ། རང་བྱང་ཆུབ་མངོན་དུ་བྱེད་པར་འགྱུར་བ་དང་། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་འདི་ནི་གནས་མ་ཡིན་ནོ།།
231a3 འདི་ནི་གནས་ཡིན་ཏེ། སེམས་ཀུན་ནས་ཉོན་མོངས་པར་འགྱུར་བ་དང་། ཤེས་རབ་ཉམ་ཆུང་བར་བྱེད་པ་དང་། རྒུད་པའི་ཕྱོགས་སུ་གྱུར་པ་དང་། མྱ་ངན་ལས་འདའ་བར་མྱི་འགྱུར་བ་གང་། སྒྲིབས་པ་སྤངས་པས་ནི།། ནས་ཉེ་བར
231a4 བཞག་པ་བཞི་དག་ལ་སེམས་ཤི་ནད་ཏུ་ཉེ་བར་བཞག་ནས་གནས་པ་ན། བྱང་ཆུབ་ཀྱི་ཡན་ལག་བཅུན་སྒོམས་ཏེ། རང་བྱང་ཆུབ་མངོན་ཏུ་བྱེད་པར་འགྱུར་བ་དང་། བླ་ན་མྱེད་པ་ཡང་དག་པར་རྫོགས་པའི་བྱང་མངོན་པར་རྫོགས
231a5 པར་འཚང་རྒྱ་བར་འགྱུར་བ་འདི་ནི་གནས་ཡིན་ཏེ། ཀུན་དགའ་བོ་དེ་ཙ། མ་གྱིས་ན། མཁས་པ་གནས་དང་གནས་མ་ཡིན་པ་ལ་མཁས་པ་ཡི། ན་ནོ།། བཙུན་པ་ཆོས་ཀྱི་རྣམ་གྲངས་འདིའི་མྱིང་ཅི་ལགས་ཇི་ལྟར
231a6 གཟུང་བར་བགྱི། ཀུན་དགའ་བོ་དེའི་ཕྱིར་ཆོས་ཀྱི་རྣམ་གྲངས་འདི་ནི་ལེ་འུ་བཞི་པ་ཞེས་བྱ་བར་ཡང་ཟུང་ཤིག། ཆོས་ཀྱི་མེ་ལོང་ཞེས་བྱ་བར་ཡང་ཟུང་ཤིཀ།། བདུད་རྩིའི་རྔ་བོ་ཆེ་ཞེས་བྱ་བར་ཡང་ཟུང་ཤིག།
231a7 ཁམས་མང་པོ་པ་ཞེས་བྱ་བར་ཡང་ཟུང་ཤིག། དེ་བས་ན་ཁམས་མང་པོ་པ་ཞེས་བྱ་བ་ནི། ཆོས་ཀྱི་རྣམ་གྲངས་འདིའི་ཚིག་བླ་དགས་ཡིན་ནོ།། །། ཁམས་མང་པོ་པ་ཞེས་བྱ་བའི་མདོའི་རྫོགས་སྷོ།། །
231a8 རྒྱ་གར་ཀི་མཁན་པོ་སུ་ལེན་དཱ་བོད་དེ་དང་། ཞུ་ཆེན་གྱི་ལོ་ཙ་བ་བན་དྷེ་ཡེ་ཤེས་སྡེས་བསྒྱུརྡ་ཅིང་གཏན་ལ་ཕབ་པ།། །། རྒྱ་གར་སྐད་དུ། ཨ་རྱ་ཀརྨ་ཨ་པ་ར་ན་པྲ་ཏི་སྲ་པ་དྷཾ་མ་མ་ཧ་ཡ་ན
231a9 སུ་ཏྲ། བོད་སྐད་དུ། འཕགས་པ་ལས་ཀྱི་སྒྲིབ་པ་རྒྱུན་གཅོད་པ་ཞེས་བྱ་བ་ཐེག་པ་ཆེན་པོའི་མདོལ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་བོས་པ་དུས་གཅིག་ན།
iiif viewer powered by OpenSeadragon
