| e-texts navigator |
| Wylie |
208b1 ཐམས་ཅད་ཡི་རངས་ཏེ།དེ་དག་བྱང་ཆུབ་ཐོབ་པར་བྱ་བའི་ཕྱིར་དེ་བཞིན་གཤེགས་པ་རྟག་པ་ཉིད་ཀྱི་ཆོས་འདོད་པར་གྱུར་ཏོ།།ཕགས་པ་ཐེག་པ་ཆེན་པོ་མིརྡོ་རྗེ་བོ་ཆེ་ཆེན་པོ་ཞེས་བྱ་བའི་ལེའུ་རྫོག་གོ།།
208b2 རྒྱུ་གར་གྱི་མཁན་པོ་བིདྷ་ཀ་ར་པྲ་བྷ་དང་།ལོ་ཙཱ་བ་བནྡེ་དཔལ་གྱི་ལྷུན་པོས་བསྒྱུར།ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ།།།རྒྱ་གར་སྐད་དུ།ཨཱརྱ་ཏཱ་ཡ
208b3 སྒྱིད་ཏཱ་རི་བརྟ་ནཱ་མ་མ་ཧཱ་ཡཱན་སཱུ་ཏྲ།བོད་སྐད་དུ།འཕགས་པ་སུམ་ཅུ་རྩ་གསུམ་པའི་ལེའུ་ཞེས་བྱེ་བ་ཐེག་པ་ཆེན་པོའི་མདོ།།བམ་པོ་དང་པོ།།སངས་རྒྱས་དང་བྱང་ཆུབ་སེམས་དཔའ་ཐམས
208b4 ཅད་ལ་ཕྱག་འཚལོ།།འདི་སྐད་བདག་གིས་ཐོས་པ་དུས་གཅིག་ན།བཅོམ་ལྡན་འདས་སུམ་ཅུ་རྩ་གསུམ་པའི་ལྷའི་ནང་ན་ཤིང་ཡོངས་འདུའི་དྲུང་ན།ར་མོ་ནི་ག་ལྟ་བུའི་རྡོ་ལོབ་ལ་བཞུགས་ཏེ།སྐུ
208b5 བསྐྲུན་པའི་ཡུམ་ལ་ཐུགས་བརྩེ་བའི་ཕྱིར་དགེ་སློང་བརྒྱད་སྟོང་གི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པ།ཟག་པ་ཟད་པ།རྫུ་འཕྲུལ་ཚ་བ།དབང་ཆེ་བར་གྲགས་པ།
208b6 མཐུ་ཆེན་པོ་ཤྭ་སྟག་དང་།བྱང་ཆུབ་སེམས་དཔའ་བདུན་ཁྲི་ཉིས་སྟོང་ཐམས་ཅད་ཀྱང་བྱང་ཆུབ་སེམས་དཔའ་མངོན་པར་ཤེས་པས་མངོན་པར་ཤེས་པ།བཟོད་པ་ཐོབ་པ།སྤོབས་པ་ཐོགས
208b7 པ་མེད་པ་ཕལ་ཆེར་འཇིག་རྟེན་གྱི་ཁམས་ཐ་དད་པ་ནས་འདུས་པ་ཤ་སྟག་དང་ཐབས་ཅིག་ཏུ་དབྱར་གནས་པར་ཞལ་གྱིས་བཞེས་ནས།དེ་ན་བཅོམ་ལྡན་འདས་འཁོར་འབུམ་ཕྲག་དུ་མས
iiif viewer powered by OpenSeadragon
