| e-texts navigator |
| Wylie |
179b1 སྟོན་པའི་བྱ་བ་བྱེད་པ་ལེགས་སོ།།ལེགས་སོ།།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་།ཚེ་དང་ལྡན་པ་ཀུན་དགའ་བོ་དང་།ཚེ་དང་ལྡན་པ་ཤཱ་རིའི་བུ་དང་།འཇམ
179b2 དཔལ་གཞོན་ནུར་གྱུར་པ་དང་།ལྷ་དང་།མི་དང་།ལྷ་མ་ཡིན་དང་།དྲི་ཟར་བཅས་པའི་འཇིག་རྟེན་རྣམས་ཡི་དགའ་སྟེ།བཅོམ་ལྡན་འདས་ཀྱིས་བཀའ་སྩལ་པ་ལ་མངོན
179b3 བར་བསྟོད་དོ།།གླང་པོའི་རྩལ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།།།རྒྱ་གར་སྐད་དུ།ཨཱརྱ་མེ་ཧཱ་ར་ཎ་ནཱ་མ་མཱ་ཧཱ་ཡཱ་ན་སྱཱ་ཏྲ།བོད་སྐད
179b4 དུ།འཕགས་པ་སྒྲ་ཆེན་པོ་ཞེས་བྱ་བ་ཐེག་པ་ཆེན་པོའི་མདོ།།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།།འདི་སྐད་བདག་གིས་ཐོས
179b5 བ་དུས་གཅིག་ན།བཅོམ་ལྡན་འདས་མཉན་ཡོད་ན་རྒྱལ་པུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་དགེ་སློང་གི་དགེ་འདུན་མང་པོ་དང་ཐབས
179b6 ཅིག་ཏུ་བཞུགས་སོ།།དེ་ནས་ཚེ་དང་ལྡན་པ་ཀུན་དགའ་བོ་སྔ་དྲོ་ཤམ་ཐབས་དང་ཆོས་གོས་བགོས་ཏེ།ལྷུང་བཟེད་ཐོགས་ནས་མཉན་ཡོད་དུ་བསོད་སྙོམས་ལ་སོང་ངོ་།།
179b7 མཉན་ཡོད་དུ་བསོད་སྙོམས་ལ་འགྲོ་བ་ནི།ཚེ་དང་ལྡན་པ་ཀུན་དགའ་བོས་ཁང་པ་བརྩེགས་པ་ཆེན་པོ་ཕྱི་ནང་བྱུགས་ཤིང་བྱི་དོར་བྱས་པ།སྒོ་གཏན་ལེགས་པར
iiif viewer powered by OpenSeadragon
