| e-texts navigator |
| Wylie |
218a1 དབུལ་བར་བྱ་བ་སྣོད་བཀང་བ་ལ་ལན་བདུན་བཟླས་བརྗོད་བྱས་ལ་འབབ་ཆུ་ག་ལ་ཡོད་པའི་གནས་དེར་སྦྱིན་པར་བྱའོ། །དེ་ལྟར་བྱས་ན་བྲམ་ཟེའི་དྲང་སྲོང་གང་གཱའི་ཀླུང་བྱེ་བ་ཁྲག་ཁྲིག་འབུམ་ཕྲག་དུ་མའི་བྱེ་མ་སྙེད་དག་ལྷའི་བཟའ་བ་དང་བཏུང་བ་རྣམས
218a2 ཀྱིས་ཚིམ་པར་བྱས་པར་འགྱུར་རོ། །བྲམ་ཟེའི་དྲང་སྲོང་དེ་དག་ཀྱང་དབང་པོ་ཚིམ་པར་འགྱུར་ཏེ། དེ་དག་ཐམས་ཅད་ཀྱིས་ཨོཾ་བདེ་ལེགས་སུ་གྱུར་ཅིག་ཅེས་བྱ་བའི་སྒྲ་འབྱིན་པར་བྱེད་ལ། སེམས་ཅན་དེ་དག་ཀྱང་བསམ་པ་ཡོངས་སུ་དག་པར་འགྱུར་ཏེ།
218a3 བྲམ་ཟེའི་གཟི་བརྗིད་དང་ལྡན་པར་འགྱུར་རོ། །རྟག་ཏུ་ཚངས་པར་སྤྱོད་པར་ཡང་འགྱུར་རོ། །དེ་བཞིན་གཤེགས་པ་གང་གཱའི་ཀླུང་བྱེ་བ་ཁྲག་ཁྲིག་ཕྲག་འབུམ་གྱི་བྱེ་མ་སྙེད་དག་གིས་དགེ་བའི་རྩ་བ་དང་ལྡན་པར་ཡང་འགྱུར་རོ། །རྟག་ཏུ་དགྲ་ཐམས་ཅད་ཤིགས
218a4 པར་འགྱུར་རོ། །མེ་ཏོག་གམ། བདུག་པ་འམ། སྤོས་སམ། ཟས་དང་། སྐོམ་གྱི་ཡོ་བྱད་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ལ་སངས་རྒྱས་དང་། ཆོས་དང་། དགེ་འདུན་ལ་དབུལ་བར་བྱའོ། །དེ་ལྟར་བྱས་ན་རིགས་ཀྱི་བུ་འམ། རིགས་ཀྱི་བུ་མོ
218a5 འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་དེས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་ཞིང་གི་སངས་རྒྱས་དང་། ཆོས་དང་། དགེ་འདུན་ལ་ལྷའི་མཆོད་པ་དང་། དེ་བཞིན་གཤེགས
218a6 པའི་མཆོད་པའི་མཆོག་གིས་མཆོད་པ་བྱས་པར་འགྱུར་རོ། །བླ་མར་བྱས། རིམ་གྲོར་བྱས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་དགོངས་ཤིང་ལུང་བསྟན་པ་དང་། ལྷ་ཐམས་ཅད་ཀྱིས་ཀུན་ཏུ་བསྲུང་བར་ཡང་འགྱུར་རོ། །ཀུན་དགའ་བོ
218a7 སོང་ལ་ངོ་ལོན་ཡང་གྱིས་ཤིག་། སེམས་ཅན་ཐམས་ཅད་ལ་ཡང་ཡང་དག་པར་སྟོན་ཅིག་།དགེ་བའི་རྩ་བའི་ཚོགས་ཐམས་ཅད་ཀྱང་གྱིས་ཤིག་ཅེས་ང་སྨྲའོ། །ཡི་དགས་མོ་ཁ་འབར་མ་དབུགས་དབྱུང་བའི་གཏོར་མའི་ཆོ་ག་། རྫོགས་སྷོ།། །།
218a8 ཡི་དགས་ཁ་ནས་མེ་འབར་བ་ལ་སྐྱབས་མཛེད་པའི་གཟུངས། དེའི་ཚེ་བཅོམ་ལྡན་འདས་ཡུལ་སེར་སྐྱ་ན་དགེ་འདུན་གྱི་གནས་ན། དགེ་སློང་གི་དགེ་འདུན་དང་། བྱང་ཆུབ་སེམས་དཔའ་གྲངས་མེད་པས་ཡོངས་སུ་བསྐོར་བ་ལ་ཆོས་སྟོན་ཏོ། །དེའི་ཚེ་ན
iiif viewer powered by OpenSeadragon
