| e-texts navigator |
| Wylie |
171b1 ཏེ། མི་འམ་ཅིའི་དབྱངས་དང་ལྡན་བར་འགྱུར་རོ། །ཉུང་རུམ་དུ་བྱ་བར་འདོད་ན། དུར་ཁྲོད་ཀྱི་ཐལ་བས་གཟུགས་བྱས་ཏེ། སེང་ལྡེང་གི་ཕུར་བུ་བྱས་ཏེ། ལན་བདུན་སྔགས་བཟླས་ནས། སྙིང་གར་བཏབ་ན། དེ་མ་ཐག
171b2 ཏུ་ཉུང་རུམ་དུ་འགྱུར་རོ། །ནག་བོའི་ཕྱོགས་ཀྱི་ཚེས་བཅུ་བཞི་ལ་དུར་ཁྲོད་དུ་ཞུགས་ནས། སྔགས་ལན་ཉི་ཤུ་རྩ་གཅིག་རྗེས་སུ་དྲན་བར་བྱས་ན། ཧན་ཙ་ན་བླངས་ནས་སོར་བྱིར་དང་ལྷན་ཅིག་བསྲེགས་ཏེ
171b3 ལན་ཉི་ཤུ་རྩ་གཅིག་ཡོངས་སུ་བཟླས་ཏེ། མིག་ལ་བསྐུས་ན། སྐལ་པ་མཆོག་དང་། རིག་འཛིན་དུ་ལྡན་ཞིང་གང་མཐོང་བ་དེ་དབང་དུ་འགྱུར་རོ། །འཇིག་རྟེན་ཀུན་དང་མཛའ་ཞིང་ཐམས་ཅད་ཀྱིས་མཆོད
171b4 པར་འགྱུར་རོ། །རོ་ཙ་ན་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ། ཐིག་ལེ་བྱས་ན་སྐལ་པ་མཆོག་དང་དགོས་པ་ཐམས་ཅད་འགྲུབ་ཅིང་། བུད་མེད་ཀུན་དབང་དུ་གྱུར་ནས་འགྲོ་བ་ཐམས་ཅད་མཛའ་བར་འགྱུར་རོ
171b5 ཟོས་ན་རྩོད་པ་ཐམས་ཅད་ལས་རྒྱལ་བར་འགྱུར་རོ། །ལན་ཉི་ཤུ་རྩ་གཅིག་བཟླས་བའི་ཆུས་བཀྲུས་ནས། གཏོར་ན་ཁྲོས་པའི་རྒྱལ་པོ་ཞི་བར་འགྱུར་རོ། །མཛའ་ཞིང་འཛིན་པ་དག་ཏུ་འགྱུར་རོ། ཐམས་ཅད
171b6 ཀྱང་གུ་གུལ་གྱི་པོག་གིས་བསྒྲུབ་པར་བྱའོ། གར་མཁན་མཆོག་གི་བསྒྲུབ་པའི་ཆོ་ག་གསུམ་པ་སྟེ། རྫོགས་སྷོ།། །། རྒྱ་གར་སྐད་དུ། ཨཱརྱ་ཛ~ཾ་བྷ་ལ་ཤྲཱི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་གནོད
171b7 འཛིན་དཔལ་ཞེས་བྱ་བའི་གཟུངས། གནོད་སྦྱིན་གྱི་རྒྱལ་པོ་གནོད་འཛིན་དཔལ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དཔལ་ཕྱག་ན་རྡོ་རྗེ་ལྕང་ལོ་ཅན་གྱི
171b8 གནས་དམ་པ་ན་འཁོར་གནོད་སྦྱིན་དུ་མས་བསྐོར་ཏེ་བཞུགས་སོ། །དེའི་ཚེ་གནོད་སྦྱིན་གྱི་རྒྱལ་པོ་གནོད་འཛིན་དཔལ་ལ་གསང་བ་པའི་བདག་པོས་བཀའ་སྩལ་པ། སེམས་ཅན་དབུལ་ཞིང་སྡུག་བསྔལ
iiif viewer powered by OpenSeadragon
