| e-texts navigator |
| Wylie |
163b1 བི་ཨ་མུ་བད་ཚ་གེ་བ། བ་ཎ་ཨུ་ས~ཾ་བ་ཏུ། ས་མཱ་ག་ཚ་ཏུ་མཱ~ཾ་གོ། ། ཀོཾ་གོ་ཙཎ་ཌཱ་ལཱི་བྷ་བི་ཥྱ་ཏི་སྭཱ་ཧཱ། ཚ་དང་བསྲེས་པའི་ཆུས་གསེར་གྱི་དོང་ཙེ་ལ་ལན་ཉི་ཤུ་རྩ་གཅིག་ཏུ་བསྔགས་ལ་བེའུའི་མགུལ་བར་གདགས་ཤིང་། དེའི
163b2 ཆུས་བེའུ་ལ་གཏོར་ན་འགྲུབ་པར་འགྱུར་རོ། །ནོར་བུ་བཟང་པོའི་རྟོག་པ། ཡང་དག་པར་རྫོགས་པའི་སངས་རྒྱས་ཀྱིས་གསུངས་པ་ཇི་སྙེད་ཚད་ཀྱི་སྔགས་ཀྱི་ཆོ་ག་ཞིབ་མོའི་རྟོགས་པ་རྫོགས་སྷོ།། །།རྒྱ་གར་གྱི
163b3 མཁན་པོ་པཎ་ཌི་ཏ་མཉྫུ་ཤྲཱི་དང་། བོད་ཀྱི་ལོ་ཙྪ་བ་དགེ་སློང་བ་རིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། ། @#། །དཀོན་མཆོག་གསུམ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ངལ་བསོ་བའི་གནས་ན
163b4 བཞུགས་པའི་ཚེ། གྲངས་མེད་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། བརྒྱ་བྱིན་དང་། འཇིག་རྟེན་སྐྱོང་བ་དང་། ཚངས་བ
163b5 དང་། མཐུ་བོ་ཆེ་དང་། ལྷ་ཆེན་པོ་དང་། ནོར་བུ་བཟང་པོ་དང་། གང་བ་བཟང་པོ་དང་། སྟོབས་ཀྱི་ལྷ་དང་། སྟོབས་པོ་ཆེའི་སྟོབས་དང་། དགའ་བའི་དབང་པོ་དང་། ནག་པོ་ཆེན་པོ་བྱི་ཤུར་དང་། མ་མོའི་ཚོགས་དང་། གསང
163b6 བ་ལ་གནས་བ་དང་། གྲུ་བཞིའི་རི་ལ་གནས་པ་དང་། འབོད་འགྲོགས་དང་། རྣམ་པར་འབོད་འགྲོགས་དང་། རྣམ་བར་འཇིགས་བྱེད་དང་། རིན་པོ་ཆེ་རགས་པ་དང་། རབ་གནས་གསང་བ་དང་། མཐའ་ཡས་གར་མཁན
163b7 མཆོག་གསང་བ་དང་། རབ་མཆོག་ཆེ་བ་དང་། མཆེ་བ་འཁྱིལ་བ་དང་། མཆེ་བ་རྣོན་པོ་དང་། རྔ་མོ་རྐང་པ་ཅན་དང་། བལ་གླང་གི་མགོ་ཅན་དང་། རྒྱལ་བའི་དྲང་སྲོང་དང་། ཧ་ཧ་པ་ཏ་ཏ་རབ་ཏུ་འཇོམས་བ་དང་། འོད་བྱེད་པ་དང་།
163b8 རབ་ཏུ་གཟི་བརྗིད་དང་ལྡན་བ་དང་། ཤིན་དུ་འོད་དང་། དམིགས་བཟངས་དང་། གཏོགས་འདོད་དང་། གསེར་གྱི་བ་སྤུ་ཅན་དང་། གསེར་གྱི་སྤུ་ཅན་དང་། རྣམ་པར་འཁྱིལ་པ་དང་། འབར་བར་སྨྲ་བ་དང་། མི་མགོ་ཅན་དང་།
iiif viewer powered by OpenSeadragon
