| e-texts navigator |
| Wylie |
58b1 དཔའ་ཐཾད་ཡང་དག་པར་སྟོན་པར་བྱེད་པ། རྣམ་པ་ཐཾད་ཏུ་དཔལ་དུ་བྱེད་པ་སྟེ། ཡེ་གེ་བྲིས་པ་དང་། སྟོན་པ་དང་། བཀླགས་པ་དང་། བཟུང་བས་བདག་དང་གཞན་བསྲུང་བའོ། །དེ་བཞིན་ཏུ་ཁྲུས་བྱ་བ་དང་། སྦྱིན་སྲེག་གིས་ཡམ
58b2 ཀྱིས་ནད་དང་། གནོད་པ་ཐམས་ཅད་རབ་ཏུ་ཞི་བར་བྱེད་པའོ། །འཕགས་པ་གཙུག་གེ་ནོར་བུ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཤཱི་ལེན་དྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང
58b3 ཞུས་ཏེ་གཏན་ལ་ཕབ་པ། ། @། །རྒྱ་གར་སྐད་དུ། ཨཱརྱ་ཙན་དན་ཨང་ག་ནཱ་མ་དྡཱ་ར་ཎཱི། བོད་སྐད་དུ། འཕགས་པ་ཙན་དན་གྱི་ཡན་ལག་ཅེས་བྱ་བའི་བཟུངས། སངས་རྒྱས་དང་། བྱང་ཆུབ་སེམས་དཔའ་ཐཾད་ལ་ཕྱག་འཚལ་ལོ། །
58b4 འདི་སྐད་བདག་གིས་ཐོས་པ་ཏུ་གཅིག་ན། བཅོམ་ལྡན་འདས་རྒྱལ་པོའི་ཁབ་ན་དགེ་སློང་གིས་དགེ་འདུན་ཆེན་པོ་དགེ་སློང་ཁྲི་ཉིས་སྟོང་ལྔ་བརྒྱའི་དགེ་སློང་གི་དགེ་འདུན་ཆེན་པོ་དང་། བྱང་ཆུ་སེམས་དཔའ་སེམས
58b5 དཔའ་ཆེན་པོ་རབ་ཏུ་མང་པོ་དང་། གཞན་ཡང་ལྷ་ཁྱད་པར་ཅན་མང་པོ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་གདན་བཤམས་པ་ལ་དེ་བཞིན་གཤེགས་པའི་ཆོ་འཕྲུལ་གྱིས་ལྷམ་མེ། ལྷན་ནེ། ལྷང་ངེར་བཞུགས་སོ། །
58b6 དེ་ནས་བཅོཾ་ལྡན་འདས་ཀྱིས་འཁོར་དེར་བྱང་ཆུབ་སེམ་པ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུགས་དང་། ཟླ་འོད་གཞོན་ནུར་གྱུར་པ་ལ་བཀའ་སྩལ་པ། རིག་ཀྱི་བུ་འཇིག་རྟེན་གྱི་ཁམས་འདི་ཕ་རོལ་གྱི་ཡང་ཆེས
58b7 ཕ་རོལ་འཇིག་རྟེན་གྱི་ཁཾས་བྱེ་བ་ཁྲག་ཁྲིག་འབུཾ་ཕྲག་གང་གཱའི་ཀླུང་གྲངས་མེད་པའི་བྱེ་མ་སྙེད་འདས་པ་ན། ཅན་དན་གྱིས་དཔལ་ཞེས་བྱ་བའི་འཇིག་རྟེན་གྱིས་ཁཾས་ཡོད་དེ་དེ་ན་དེ་བཞིན་གཤེགས་པ་དགྲ་བཅོཾ་པ་ཡ~ཾ་དག་པར་རྫོགས
58b8 པའི་སངས་རྒྱས་ཙན་དན་གྱི་ཡན་ལག་ཅེས་བྱ་བ་ད་ལྟར་ཡ~ཾ་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ། །ག~ཾ་འཇིག་རྟེན་གྱི་ཁཾས་དེའི་སེཾ་ཅན་དེ་དག་ཐཾད་ནི་ཕྱིར་མི་ལྡོག་པར་འགྱུར་བ་ཤ་སྟག་སྟེ། བཅོཾ་ལྡན་འདས་དེ་བཞིན
iiif viewer powered by OpenSeadragon
