| e-texts navigator |
| Wylie |
56b1 ལེགས་པར་བཤད་པ་ནི། །མཛེས་པའི་ཁྲོ་བོས་གནོན་པའོ། །བཙན་ཐབས་སུ་ནི་བསྐོར་བར་བྱ། །རྐང་པ་གཡས་པའི་བཙུགས་ཏེ་མནན། །ལག་པ་གཉིས་ཀ་དྲག་རྡོབ་པ། །བྱས་ནས་འཇིགས་པར་བྱ་བ་ནི། །དེ་བཞིན་སྙེམས་དང
56b2 བཅས་བཤད་པ། །ཚམ་ངམ་བདག་ཉིད་ཆེན་པོ་འདི། །འཇིགས་པར་བྱེད་པ་ཞེས་བྱ་ཏེ། །རྟག་ཏུ་ཁྲོ་བོ་བསྒོམ་པའོ། །རྐང་པ་མཉམ་པར་བཞག་ཏེ་འདུག་།གཡས་པ་ཅུང་ཟད་མཐོ་བར་བྱ། །དཔལ་དང་ལྡན་པས་གཡོན་པ་སྨད། །གཡོན
56b3 པ་སོར་མོ་ཅིག་གིས་བསྡེགས། །དཔུང་པ་བཏེག་ཏེ་བེ་ཅོན་འཕྱར། །རྐང་པ་དང་ནི་གདོང་བསྒྱུར་བ། །རྟག་ཏུ་ཁྲོ་བོ་བསྒོམ་པ་ནི། །ཀི་ལི་ཀི་ལ་ཞེས་བྱའོ། །ཀི་ལི་ཀི་ལི་ཆེན་པོ་ནི། །དེ་ཉིད་ལས་ནི་རྒྱབ་ཏུ་བལྟ། །ཁྲོ་བོ་མིག་ནི་ཡ་ཅིག་བརྩུམས། །
56b4 མྱུར་དུ་མཆོད་སྟབས་བྱེད་པའོ། །འདི་ནི་ཚམ་ངམ་སྦྱོར་བ་སྟེ། །ཧེ་ལའི་འཁོར་ལོ་རྩིབས་རིམ་ལས། །མདོར་ནི་ཇི་ལྟར་དགོད་པ་དག་།ལེག་པར་བཤད་པ་འདི་ཡིན་ནོ། །ཧེ་ལའི་འཁོར་ལོའི་མཐུ་སྔགས་དང་། །ཚམ་ངམ་གཡས
56b5 ཀྱི་མཐུ་དགའ་ཡིས། །ལས་རྣམ་རབ་ཏུ་ངོ་མཚར་བ། །ཇི་སྐད་གསུངས་པའི་ལས་རྣཾས་བྱའོ། །བསྒྲུབ་པ་དེ་དག་གསང་རྒྱུད་དང་། །ཧེ་ལའི་འཁོར་ལོ་འདི་ཤེས་ན། །ཁྲོ་བོ་དངོས་དང་གཅིག་འགྱུར་བས། །ཁྲོ་བོའི་སྐད་དུ་སྤྱོད་པར་འགྱུར། །
56b6 རྟོག་པ་འདི་ནི་གསང་བར་བཅས། །གསང་བའི་སྙིང་པོའི་མཆོག་ཏུ་བཤད། །ཁྲོ་བོའི་རྒྱལ་པོའི་རྟོག་འདི་ལས། །མཆོག་ཏུ་གྱུར་པ་གཞན་མེད་དོ། །ཁྲོ་བོ་རྣམ་པར་རྒྱལ་བ་ལས། །རྟོག་པ་ཕྱི་མའི་ཕྱི་མ་འདི། །རབ་ཏུ་གསང་བ་ཞེས་བྱ་བ། །ཐོས
56b7 ནས་གསང་བའི་དོན་བསྒོམས་པས། །ལྷ་དེ་ཐཾད་ཡི་རང་ནས། །ཁྲོ་བོ་མཆོག་ལ་ཕྱག་འཚལ་ཏེ། །རབ་ཏུ་དགའ་བའི་མཆོག་ཏུ་འགྱུར། །གསང་བའི་རྟོགས་པའི་གཏོགས་པ་ལྔ་པ་སྟེ། བཅོམ་ལྡན་འདས་འཇམ་དཔལ་གཤིན་རྗེ
56b8 གཤེད་པོ་ལ་རྗེས་སུ་ཡི་རང་བའི་རིམ་པར་ཕྱེ་བ་སྟེ་ཉི་ཤུ་རྩ་གཉིས་པའོ། ། །།ཁྲོ་བོ་ཁམས་གསུམ་རྣམ་པར་རྒྱལ་བའི་རྟོག་པའི་རྒྱལ་པོ་གསང་བའི་རྒྱུད་རྫོགས་སོ།། །། རྒྱ་གར་སྐད་དུ། ཨཱརྱ་ཙཱུ་ཌ་མ་ཎི་ནཱ་མ་དྷཱ་ར་ཎཱི། བོད་སྐད་དུ།
iiif viewer powered by OpenSeadragon
