| e-texts navigator |
| Wylie |
4a1 ཏུ་ཞི་བར་གྱུར་ཅིག་སྭཱ་ཧཱ། མ་ཧཱ་ཤྭཱ་ཡ་སྭཱ་ཧཱ། མ་ཧཱ་བྷཱུ་ཏ་ཨ་དྷེ་པ་ཏ་ཡེ་སྭཱ་ཧཱ། གཽ་རི་ཡེ་སྭཱ་ཧཱ། ཨ་གྲཱ་ཡ་སྭཱ་ཧཱ། བདག་བདེ་ལེགས་སུ་གྱུར་ཅིག་།དད་ཥྚཱ་ཀ་རཱ་ལ་བིང་ག་ལཱ་ཛྙ་བ་ཡ་ཏེ་སྭཱ་ཧཱ།
4a2 འཕགས་པ་རིག་སྔགས་ཀྱི་རྒྱལ་པོ་དབུགས་ཆེན་པོ་ཞེས་བྱ་བ། རྫོགས་སྷོ།། །།རྒྱ་གར་གྱི་མཁན་པོ་པྲཛྙཱ་བར་མ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། །
4a3 @#། །རྒྱ་གར་སྐད་དུ། ཀྲོ་དྷ་བི་ཛ་ཡ་ཀལྤ་གུ་ཧྱ་ཏན་ཏྲ། བོད་སྐད་དུ། ཁྲོ་བོ་རྣམ་པར་རྒྱལ་བའི་རྟོག་པ་གསང་བའི་རྒྱུད། བཅོམ་ལྡན་དས་འཇམ་པའི་དབྱངས་ལ་ཕྱག་འཚལ་ལོ། །དེ་ནས་འཇམ
4a4 པའི་དབྱངས་ཀྱི་ནི། །ཁྲོ་བོ་འདི་མིང་གཤིན་རྗེ་གཤེད། །མཚོན་ཆ་མེ་ལྕེ་འབར་བས་འཁྲུགས། །དྲག་ལ་མཐུ་རྩལ་དྲག་ལྡན་པ། །དེ་མཐོང་ནས་ནི་ཁྲོ་བོ་གཞན། །ཐམས་ཅད་ཀྱི་ནི་ལག་ཆ་ཤོར། །དེ
4a5 བཞིན་དུ་ནི་འཇིག་རྟེན་པའི། །ལྷ་རྣམས་ལུས་ཀྱིས་འཏུད་པར་བྱེད། །གཞན་ཡང་ཐལ་མོ་སྦྱར་བྱས་ཏེ། །སྐྲག་ནས་བསྟོད་པ་མང་པོ་བྱེད། །ལྷ་རྣམས་མང་པོ་ཇི་སྙིད་ཀུན། །འཇམ་དཔལ་ཁྲོ་བོའི་གཟི
4a6 བརྗིད་ཀྱིས། །གཟིར་བཞིན་དུ་ནི་རབ་སྨྲས་པ། །བཅོམ་ལྡན་བདག་ཅག་སངས་རྒྱས་དང་། །ཆོས་དང་དགེ་འདུན་སྐྱབས་མཆིས་ཀྱིས། །རབ་ཏུ་མི་བཟད་འཇིགས་པའི་གཟུགས། །གཟི་བརྗིད
4a7 འབར་བས་ཕྱོགས་ཁྱབ་པ། །ཁམས་གསུམ་འཁྲུགས་པར་མཛད་པ་མཐོང་། །གང་ཚེ་ལྷ་དང་ལྷ་མིན་རྣམས། །སྐྲག་ནས་སྐྱབས་སུ་དོང་བ་ན། །དེ་ཚེ་འཇམ་པའི་དབྱངས་ཀྱི་ནི། །ཁྲོ་བོ་སླར
4a8 ཡང་ཞི་བར་གྱུར། །གཤེན་རྗེའི་གཤེད་ཅེས་བྱ་བ་ཡི། །ཁྲོ་བོ་ཆེན་པོ་ཞི་བ་ལ། །དེ་ནས་སྐྱབས་སུ་དོང་བ་ཡི། །ལྷ་རྣམས་ཀུན་གྱིས་ཞུས་པ་ནི། །ཁྱོད་ཀྱི་བརྩོན་འགྲུས་མཆོག་འཚལ་བས། །
iiif viewer powered by OpenSeadragon
