| e-texts navigator |
| Wylie |
228a1 ལོ་ཙ་བ་ཕུར་བུ་འོད་ཀྱིས་བསྒྱུར་བའོ། ། །།@#། །རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ནཱ་མ་དྷཱ་ར་ཎཱི། བོད་སྐད་དུ། དཔལ་མགོན་པོ་ནག་པོ་ཞེས་བྱ་བའི་གཟུངས། །སངྱས་དང་བྱང་ཆུབ་སེམས་དཔའ་ཐ~ཾད
228a2 ལ་ཕྱག་འཚལོ། །འདི་སྐད་བདགིས་ཐོས་པ་དུས་གཅིག་ན། བཅྡོཾས་རྡོ་རྗེའི་གདན་ལ་བདུད་བརྟུལ་ཏེ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པ་ཞིག་ན་བྱང་ཆུབ་ཀྱི་ཤིང་དྲུང་ལ་བཞུགས་སོ། །བཅྡོཾས་ག་ལ་བ
228a3 དེ་ལོགསུ་ལྷའི་སྡེ་དཔོན་ཆེན་པོ་ཚོགས་ཀྱི་བདག་པོ་མ་ཧཱ་ཀཱ་ལ་འདོད་པའི་ཁམས་ཀྱི་དབང་ཕྱུག་ལ་དབང་སྒྱུར་བ་དཔལ་མགོན་པོ་ནག་པོ་ཆེན་པོས། བཅྡོཾས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག
228a4 ཏུ་འདུག་ནས་འདི་སྐད་ཅེས་གསོལ་ཏོ། །བཙུན་པ་བཅྡོཾས་བདགི་རིག་པ་འབུལ་གྱིས་བཞེསུ་གསོལ། །ུ0f00་ཤྲཱི་མ་ཧཱ་ཀཱ་ལ་ག་ཎ་གུ་ཏི་སྭཱ་ཧཱ། ན་མཿཤྲཱི་མ་ཧཱ་ཀཱ་ལ་ག་ཎེ་གུ་ཏི་ཤཱ་ཡ། ན་མོ་ཡོ་ཀི་ན་ཎཱི་ན།
228a5 ཏདྱ་ཐཱ། ཨུ0f00་ཧི་ལེ་ཧི་ལེ། ཀི་ཏེ་ཀི་ཏེ་ནི། ཙིད་དེ་ཙིད་དེ་ནི་སྭཱ་ཧཱ། འདི་བཏོན་པས་ནད་ཐ~ཾད་དང་། རིམས་ཐ~ཾད་དང་། གདོན་ཐ~ཾད་དང་། མིངས་ཐ~ཾད་དང་། འབྱུང་པོ་ཐ~ཾད་དང་། ཉེས་པར་བསྒོམས་པ་ཐ~ཾད་དང་། ཉེས་པར་བལྟས་པ
228a6 རྣམས་སྟེང་དུ་གཞན་འཕྲུལ་དབང་བྱེད་ལ་ཐུག་པ་མན་ཆད་བཅིང་ངོ་། །འོག་ཏུ་ནི་སེམས་ཅན་དམྱལ་བ་ལ་ཐུག་པ་ཡན་ཆད་བཅིང་ངོ་། །ཐད་ཀ་ཁོ་ར་ཁོར་ཡུག་ཏུ་ནི་རི་ལ་ཐུག་པ་ཚུན་ཆད་བཅིང་ངོ་། །གཞན་ཡང
228a7 གཙུག་ཁང་དང་དཀྱིལ་འཁོར་གྱི་བསྲུངས་མ། དུག་གསུམ་ནད་ཀྱི་སྨན་པ། རིག་འཛིན་ཡོངས་ཀྱི་སྲོག་ཤིང་། རྣལ་འབྱོར་ཀུན་གྱི་དགྲ་བླ། བདུད་འདུལ་རྣམས་ཀྱི་དབང་ཕྱུག་།སྲིན་པོ་ལང་ཀ་པུ་རིའི་གྲོང་ཁྱེར་གཏན
228a8 ནས་རློག་པ། གནོད་སྦྱིན་གྱི་བུ་མོ་ནམཁའི་གློག་མ་སྲིན་རྡུལ་དུ་རློག་པ། དཀོན་མཆོག་གསུཾ་གྱི་བསྟན་པ་བསྲུང་བར་ཁས་བླངས་ཤིང་དམ་བཅས་པའོ། །འཕགས་པ་དཔལ་མགོན་པོ་ནག་པོ་ཞེས་བྱ་བའི་གཟུངས་རྫོགས་སྷོ།། །།
iiif viewer powered by OpenSeadragon
