| e-texts navigator |
| Wylie |
204a1 ཀུ་ལེ་ན་ཀུ་ལི། ཨེ་ཀར་ཥི་ཏ་ར~ཾ་ག་པྲིཥྚི། དགེ་སློང་དག་སུ་ཞིག་དུག་དང་། སྨན་ཆེན་པོ་བཅཝ་བརྒྱད་པོ་འདི་དག་གི་མིང་འཛིན་པ་དེའི་ལུས་ལ་རིམས་ཀྱིས་མི་ཚུགས། དུག་དང་། མཚོན་དང་། བྱད་དང་། རོ་ལངས་དང་།
204a2 ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པས་མི་ཚུགས། དེ་ལ་རིང་པོ་དག་འཚེ་བར་མི་འགྱུརོ། །སུ་ཞིག་འདི་དག་འཛིན་པ་དེ་ཇི་སྲིད་འཚོའི་བར་དུ་བསྲུང་བ་བྱས་པར་འགྱུརོ། །
204a3 བཅྡོཾས་ཀྱིས་དེ་སྐད་ཅེས་བཀའ་སྩལ་ནས། ཀླུའི་རྒྱལ་པོ་གཟི་ཅན་ཡི་རངས་ཏེ། བཅྡོཾས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཀླུའི་རྒྱལ་པོ་གཟི་ཅན་གྱིས་ཞུས་པ་ཞེས་བྱ་བའི་གཟུངས།
204a4 རྫོགས་སྷོ།། །། @། །རྒྱ་གར་སྐད་དུ། མ་ཧཱ་ག་ན་པ་ཏི་ཏན་ཏྲ་ནཱ་མ། བོད་སྐད་དུ། ཚོགས་ཀྱི་བདག་པོ་ཆེན་པོའི་རྒྱུད་ཅེས་བྱ་བ། འཇིག་རྟེན་དབང་ཕྱུག་ལ་ཕྱག་འཚལོ། །དེ་ནས་དཔལ་ལྡན་ཚོགས
204a5 བདག་ཆེ། །ཕྱག་འཚལ་དཔལྡན་ཚོགས་བདག་དགྱེས། །གཟུགས་བརྙན་མཎ་ཌལ་གྲུ་བཞིར་བཞག་།ཟླ་བ་དྲུག་ཏུ་མཆོད་པར་བྱ། །ལྷ་ཡི་འཁོར་ལོས་བསྒྱུར་བ་དང་། །ཚེ་འདི་ཉིད་ལ་བསྐལ་པ
204a6 མཉམ། །བསོད་ནམས་ཆེན་པོ་ཐོབ་པར་འགྱུར། །ལོངས་སྤྱོད་ལྷ་དང་མཉམ་པ་དང་། །ཚེ་ཡང་རིང་བའི་མཆོག་ཏུ་འགྱུར། །མི་ལ་སོགས་པ་དབང་དུ་འགྱུར། །ལྷ་ཡི་བུ་ཡང་བྲན་བཞིན་འགྱུར། །བདག་གི
204a7 བསྒོ་བ་ཉན་པར་འགྱུར། །ཀླུ་ཡང་དེ་ཡི་བསྒོ་བ་ཉན། །བྲན་བཞིན་ལས་རྣམས་བྱེད་པར་འགྱུར། །ལྷ་ཡི་ལོངས་སྤྱོད་མངའ་རིས་ལས། །འདོད་པའི་ལོངས་སྤྱོད་འབྱུང་བར་འགྱུར། །དངོས་གྲུབ་སྒྲུབ་པའི་སྐལ་བ
204a8 ཅན། །གདུལ་བྱའི་དབང་གིས་སྐུ་སྤྲུལ་པ། །ལྷ་ཆེན་ཚོགས་བདག་ཆེན་པོས་བྱ། །དངོས་གྲུབ་དམ་པ་མཆོག་སྒྲུབ་ན། །མཐུ་སྟོབས་ཕུན་སུམ་ཚོགས་ལྡན་ཞིང་། །ལོངས་སྤྱོད་ཡིད་བཞིན་འཕེལ
iiif viewer powered by OpenSeadragon
