| e-texts navigator |
| Wylie |
219b1 ཆེན་མོ་རྒྱལ་བ་ཅན་འདི་སེམས་མི་མཉམ་པ། སེམས་མི་བཟད་པ་དེ་དག་དང་། སྡང་བ་དང་། རབ་ཏུ་སྡང་བའི་སེམས་ཅན་ཐམས་ཅད་ཀྱི་དོན་དུ་འགྱུར། ཚར་གཅོད་པར་འགྱུར་རོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་བདུད་ཀྱི་དཀྱིལ་འཁོར
219b2 ཐམས་ཅད་རྣམ་པར་འཇོམས་པར་བྱེད་པ་འདི་ནི་སངས་རྒྱས་བྱེ་བ་ཁྲག་ཁྲིག་འབུམ་ཕྲག་དུ་མས་གསུངས་པ། བྱིན་གྱིས་བརླབས་པ། ཕྱག་རྒྱས་བཏབ་པའོ། །རིག་སྔག་གྱི་རྒྱལ་མོ་ཆེན་མོ་རྒྱལ་བ་ཅན་འདི་ནི་ལྷ་ཐམས་ཅད་ཀྱིས་ཕྱག
219b3 བྱས་པའོ། །དེ་ནས་བཅོམ་ལྡན་འདས་ལ་གསང་བ་པའི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ
219b4 སྩལ་པ། ལག་ན་རྡོ་རྗེ་དེའི་ཕྱིར་ཁྱོད་ཀྱིས་དེ་བཞིན་གཤེགས་པའི་སྙིང་པོ་དང་། ཕྱག་རྒྱ་ཞེས་བྱ་བར་ཟུང་ཤིག་།བདུད་ཀྱི་དཀྱིལ་འཁོར་ཐམས་ཅད་རྣམ་པར་འཇོམས་པར་བྱེད་པ་རྒྱལ་བ་ཅན་ཞེས་བྱ་བར་ཡང་ཟུང་ཤིག་།བཅོམ་ལྡན་འདས
219b5 ཀྱིས་དེ་སྐད་ཅེས་བཀའ་སྩལ་ནས། གསང་བ་པའི་བདག་པོ་ལག་ན་རྡོ་རྗེ་དང་། རྒྱལ་པོ་ཆེན་པོ་རྣམ་ཐོས་ཀྱི་བུ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན
219b6 པར་བསྟོད་དོ། །འཕགས་པ་རྒྱལ་བ་ཅན་ཞེས་བྱ་བའི་གཟུངས་རྫོགས་སྷོ།། །། @#། །རྒྱ་གར་སྐད་དུ། ཨཱརྱ་མ་ཡུ་ར་བི་དྱཱ་གར་བྷེ་ནཱ་མ། བོད་སྐད་དུ། འཕགས
219b7 པ་རིག་སྔགས་ཀྱི་རྒྱལ་མོ་རྨ་བྱའི་ཡང་སྙིང་ཞེས་བྱ་བ། བཅོམ་ལྡན་འདས་རྨ་བྱ་ཆེན་མོ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །དགྲ་ཡིས་འཇིགས་པ་འམ།
219b8 འཐབ་རྩོད་ཀྱིས་འཇིགས་པ་འམ། བགེགས་ཀྱིས་འཇིགས་པ་འམ། དུས་མ་ཡིན་པར་འཆི་བས་འཇིགས་པ་འམ། སྦྲུལ་གྱིས་འཇིགས་པ་འམ། གཅན་ཟན་གྱིས་འཇིགས་པ་འམ། དུག་གིས་འཇིགས་པ་འམ། མེས་འཇིགས་པ་འམ།
iiif viewer powered by OpenSeadragon
