| e-texts navigator |
| Wylie |
144a1 བོད་ཀྱི་ལོ་ཙྪ་བ་དགེ་སློང་རྡོ་རྗེ་གྲགས་ཀྱིས་བསྒྱུར་བའོ། ། @#། །རྒྱ་གར་སྐད་དུ། ཤྲཱི་བཛྲ་བྷཻ་ར་བ་ཀལ་པ་ཏན་ཏྲ་རཱ་ཛ། བོད་སྐད་དུ། དཔལ་རྡོ་རྗེ་འཇིགས་བྱེད་ཀྱི་རྟོག
144a2 པའི་རྒྱུད་ཀྱི་རྒྱལ་པོ། ངག་གི་དབང་ཕྱུག་ལ་ཕྱག་འཚལ་ལོ། །དེ་ནས་འདིར་ནི་བཤད་བྱ་བ། །ཇི་ལྟར་འགྲོ་རྣམས་ཟད་བྱེད་ཅིང་། །སྡུག་བསྔལ་རྣམ་ཐར་བྱེད་པ་ཡི། །སྒྲུབ་པའི་ཐབས་ཆེན་མཆོག་གྱུར་པ། །གསང
144a3 སྔགས་དེ་ལས་འབྱུང་བར་འགྱུར། །དང་པོར་རྣམ་པར་སྣང་མཛད་དེ། །དེ་དང་ཉེ་བར་ངག་དབང་ཕྱུག་།རྡོ་རྗེས་འཁོར་ལོ་བསྒྱུར་བའོ། །གདོན་གྱི་བདག་དང་འབྱུང་པོའི་རྗེ། །མི་ཡི་ས་བོན་གཉིས་ལྡན་བྱ། །མཆོད
144a4 རྟེན་སྲེག་བྱེད་མཐའ་དང་བཅས། །གཞན་དུ་ཤེས་པར་མི་འགྱུར་ཏེ། །རྡོ་རྗེ་ཅན་གྱི་མཁའ་ལ་གནས། །ཡི་གེ་འབུམ་ཕྲག་ཁྲི་བརྗོད་ན། །ཉམས་པ་ཐམས་ཅད་སེལ་བྱེད་ཅིང་། །ཞི་དང་རྒྱས་དང་དབང་མངོན་སྤྱོད། །གསོད
144a5 དང་སྐྲོད་དགུག་དབྱེ་རིངས་དང་། །དམན་པར་བྱེད་དང་རྒྱལ་སྲིད་སོགས། །ཐོབ་པ་ཉིད་ལ་ཐེ་ཚོམ་མེད། །དུར་ཁྲོད་ཚང་ཚིང་ཁྲོན་ངོགས་རྩུབ། །ཤིང་གཅིག་ཁང་སྟོང་མཚན་གཅིག་དབེན། །གང་འདོད་གནས་སུ་བསམ
144a6 གཏན་བརྩམ། །དེ་ནས་བཅོམ་ལྡན་འདས་འཕྲུལ་པ་ཐམས་ཅད་ལ་ཁྱབ་པ་མེ་ལོང་ལྟ་བུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་དང་ཡེ་ཤེས་ཐམས་ཅད་ལ་ཁྱབ་པར་བྱ་བའི་ཕྱིར། སྐུ་མདོག་དཀར་པོ
144a7 ཞལ་ལྔ་དང་ལྡན་པར་བྱས་ནས། འཇིག་རྟེན་པ་ཐམས་ཅད་ལ་གཟིགས་ནས། རང་གི་རིགས་ཀྱི་ཡི་གེ་ཉིད་བརྗོད་པས། སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་དང་། ཡེ་ཤེས་ཀྱང་གཅིག་གི་ངོ་བོར
144a8 སྤྲུལ་པའི་སྐུར་གྱུར་ཏོ། །ཀྱེ་མ་བཅོམ་ལྡན་རྡོ་རྗེ་ཆེ། །དོན་རྣམས་བསྐྱེད་པ་ཡང་ཉིད་དོ། །མཁའ་དཀྱིལ་འོད་ཀྱིས་འགེངས་འགྱུར་བ། །སླར་ཞིང་ཁ་དོག་ལྔ་ལྡན་པ། །ས་བོན་སྔགས་ཀྱིས་བསྐུལ་བ་ཡི། །འོད་ཀྱི་རྩེ
iiif viewer powered by OpenSeadragon
