| e-texts navigator |
| Wylie |
320a1 ཏྲི་བཛྲ། ཡཀྵ་དུཥྚཱན་བཛྲ་ཨ~ཾ་ཀུ་ཤ་ཛཿཀྲོ་དྷིང་། །ཀྲོ་ལ་ཤ་།རཱ་ཛ་ཐ་མ་ན~ཾ། རཱ་ཛ་ཤ་ཏྲཱུ~ཾ་མཱ་ར་ན་ཕཊ། རཱ་ཛ་ཨ་མུ་ཀཾ། བྷཀྵ་ནི་གྲཱི་ཧྞ་གྲཱི་ཧྞ། གྲཱི་ཧྞ་གྲཱི་ཧྞ་མཱ་ར་ཡ་ཕཊ། ཕུར་བ་གདབ་ཅིང་ལྕག་གིས་བྲབ། །དེ་ནས་བཀར་བའི
320a2 འཁོར་ལོ་བཅའ། །རྩ་བའི་འཁོར་ལོའི་ལྟེ་བ་ལ། །ཀུ་ཤའི་གཟུགས་གཞག་ཕྱི་རྩིབས་ལ། །རེའུ་མིག་བཅུ་བཞི་ལྡན་པ་ལ། །རྩིབས་ལ་གཟུགས་བྲིས་བོང་ཁྲག་སྦྱར། །རེའུ་མིག་ཆ་ལ་བཀར་སྔགས་དགོད། །དུ་ཏྲི་པ་ཏྲི
320a3 དཀོར་བ་ཁ~ཾ་རྦད། །ཡ་ཏྲི་དཀོར་བ་ཁ~ཾ་རྦད། །ཡུང་ཀར་ཁྲག་སྣ་དུག་སྣས་བྲབ། །ཡང་ན་ཆུ་བོའི་གཞུང་ལ་བསྐུར། །ཡང་ན་ཕུགས་རྡུགས་གྲོག་པོར་གནོན། །དེ་ཚེ་ཞིང་ལྕགས་དྲག་ཏུ་བསྣུན། །དཔལ་རྡོ་རྗེ་གཏུམ་པོ་ཐུགས་གསང
320a4 བའི་རྒྱུད་ཕྱི་མ་ལས་དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ་རྫོགས་སྷོ། ། །། རྒྱ་གར་གྱི་སློབ་དཔོན་ཨ་བ་ཡུག་ཏི་དང་། བོད་ཀྱི་ལོ་ཙྪ་བ་བླ་བན་ཆོས་ཀྱི་བརྩོན་འགྲུས་ཀྱིས་ཞུས་ཏེ་བསྒྱུར་ཅིང་གཏན་ལ་ཕབ
320a5 པའོ། ། @། །རྒྱ་གར་སྐད་དུ། ཤྲཱི་བཛྲ་ཙཎྜ་ཙིཏྟ་གུ་ཧྱ་ཏནྟྲ་ཨུཏྟ་རོཏྟ་ར། བོད་སྐད་དུ། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ། བཅོམ་ལྡན་འདས་དཔལ་རྡོ་རྗེ་གཏུམ་པོ་ལ་ཕྱག་འཚལ་ལོ། །དེ་ནས་འཁོར་དེ་ནི
320a6 གནོད་སྦྱིན་ལག་ན་རྡོ་རྗེ་གཏུམ་པོ་ཞེས་བྱ་བ་འཁོད་པ་སྟན་ལས་ལངས་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་མིག་འཛུམ་དང་བཅས་པས་རང་གི་སྤྱོད་པ་ལས་ཤིན་དུ་སྤ་གོང་བར་བྱས་ཏེ། བཅོམ་ལྡན་འདས་ལ་འདི
320a7 སྐད་ཅེས་གསོལ་ཏོ། །ཀྱཻ་བཅོམ་ལྡན་འདས་སླད་མའི་དུས་ན། གདུག་པ་ཅན་གྱི་སེམས་ཅན་ལ་རྣམ་པར་འཚེ་ཞིང་རྣམ་པ་གསུམ་གྱིས་སེམས་ཅན་མ་རུངས་པར་བགྱིད་དེ། རེག་པའི་དུག་གིས་ཀྱང་རབ་ཏུ་ཡང་གཟིར་བར་བགྱིད
320a8 དོ། །ཁ་རླངས་ཀྱི་དུག་གིས་ནི་རབ་ཏུ་མྱོས་ཤིང་ཤིན་དུ་ཡང་ལྕི་བར་བགྱིད་དོ། །མཐོང་བའི་དུག་གིས་ནི་ཟ་ཞིང་འཕྲུག་ཅིང་ཚ་བར་བྱེད་དོ། །འཕྲོ་བ་ཁ་རླངས་ཀྱི་དུག་ཅན་དང་། རེག་པ་ལུས་ཀྱི་དུག་རྣམས་ཀྱི་གདུང་བ་བསལ་བའི་སླད
iiif viewer powered by OpenSeadragon
