| e-texts navigator |
| Wylie |
310b1 ཡེ་ཤེས་རྡོ་རྗེ་ཀུན་ལས་བཏུས་པ་ཞེས་བྱ་བ་རྣལ་འབྱོར་ཆེན་པོའི་རྒྱུད་ལས་བདེ་བ་ཆེན་པོའི་ལེའུ་སྟེ་རིམ་པར་ཕྱེ་བ་གཉིས་པའོ། །རྫོགས་སྷོ།། །། རྒྱ་གར་གྱི་མཁན་པོ་ཛྙཱ་ན་ཀ་རའི་ཞལ་སྔ་ནས་དང་། ཞུ་ཆེན
310b2 གྱི་ལོ་ཙྖ་བ་ཁུ་སྟོན་དངོས་གྲུབ་ཀྱིས་བསྒྱུར། སླད་ནས་བླ་མ་དེ་ཉིད་དང་། དགེ་སློང་ཚུལ་ཁྲིམས་རྒྱལ་བས་ཞུས་ཤིང་གཏན་ལ་ཕབ་པ། །ཡེ་ཤེས་རྡོ་རྗེ་ཀུན་ལས་བཏུས། །རྣལ་འབྱོར་ཆེན་པོའི་གསལ་བྱེད
310b3 ཡིན། །ཡེ་ཤེས་རང་བཞིན་འཁོར་བ་དང་། །མྱ་ངན་འདས་པའི་ངོ་བོའོ། །དེ་གཉིས་དབྱེར་མེད་རྡོ་རྗེ་སྟེ། །ཀུན་འདིར་འདུས་པས་ཀུན་ལས་བཏུས། །དེ་སྟོན་པ་ལ་དེར་བཏགས་ནས། །གཞུང་ལའང་མིང་དོན་འཚམ་པ་ཡིན།། །།
310b4 ལན་གཉིས་ཞུས། ། @#། །རྒྱ་གར་སྐད་དུ། ཙ་ཏུ་དེ་བཱི་པ་རི་པྲཱིཙྪཱ། བོད་སྐད་དུ། ལྷ་མོ་བཞིས་ཡོངས་སུ་ཞུས་པ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །
310b5 ལྷ་མོ་བཞི་དང་མཉམ་ལྡན་ཞིང་། །སངས་རྒྱས་གཟུགས་ཀྱིས་ཉེར་བརྒྱན་པ། །ཤིན་དུ་དགའ་བའི་སྦྱོར་ཆེན་ལ། །རྡོ་རྗེ་སེམས་དཔའ་ཆེར་བཞུགས་ཏེ། །འོད་ཟེར་འཆང་ཞིང་འཁྲིགས་པ་ཡི། །
310b6 གསང་ཆེན་ཆོས་ཀྱི་འབྱུང་གནས་ལ། །བྱང་ཆུབ་སེམས་ནི་འཕྲོས་ནས་སུ། །ཆོས་ཀྱི་དབྱིངས་ནས་ཞུ་མཛད་དོ། །ཞུ་བའི་དངོས་པོ་དེ་མཐོང་ནས། །ལྷ་མོ་སྤྱན་མས་ཡོངས་ཞུས་པ། །
310b7 བཅོམ་ལྡན་རྡོ་རྗེ་སེམས་དཔའ་ལ། །ཚིག་འདི་དག་ནི་གསོལ་བ་སྟེ། །ཆོས་ཀྱི་དབྱིངས་རྣམས་འཕྲོ་བ་ནི། །གང་ལས་སྐྱེ་བར་འགྱུར་བ་ལགས། །དང་པོ་ཇི་ལྟར་འོང་བ་ཡིན། །དེ་བཞིན་ཕྱིར
310b8 འགྲོ་ཇི་ལྟར་ལགས། །ཡན་ལག་མེད་པ་གང་དེ་ནི། ། ། ། ། ། ། ། ། ། ། ། ། ། ། །
iiif viewer powered by OpenSeadragon
