| e-texts navigator |
| Wylie |
30a1 རྒྱུད་ལས་བདུད་རྩི་ལྔ་བསྒྲུབ་པའི་ཐབས་བསྟན་པ་ཞེས་བྱ་བའི་ལེའུ་སྟེ་བཅུ་གཅིག་པ་རྫོགས་སྷོ། ། །།ཤུ་བྷ་མསྟུ་སརྦ་ཛ་ག་ཏཱ~ཾ། སྟག་ལུང་རྒྱུད་འབུམ་ལ་བཏུགས་པའི
30a2 མཚལ་པ་བཀའ་འགྱུར་ནས་ཞུས། ཞུས་དག་། @#། །རྒྱ་གར་སྐད་དུ། ཀུ་ལ་ལོ་ཀ་ནཱ་ཐཱ་པཉྩི་ཤ་ཀ་ནཱ་མ། བོད་སྐད་དུ། རིགས་ཀྱི་འཇིག་རྟེན་མགོན
30a3 པོ་ལྔ་བཅུ་པ་ཞེས་བྱ་བ། དཔལ་ལྡན་རིགས་ཀྱི་འཇིག་རྟེན་མགོན་པོ་ལ་ཕྱག་འཚལ་ལོ། །དེ་ནས་འདི་ནི་མཆོག་ཏུ་གསང་། །འཇིག་རྟེན་ཡང་དག་རྨོངས་པའི་མཆོག་།རིགས་དང་རིགས་བྱུང་མངོན་བརྗོད་པས། །གཉིས་མེད་སྔགས
30a4 ནི་རབ་བཤད་བྱ། །དམ་ཚིག་སྤྱོད་པ་ངེས་པར་གྲོལ། །བྱ་བ་དུས་ཚོད་རྣམ་པར་སྤངས། །དེ་ཉིད་གསུམ་ལྡན་ཡང་དག་ལྷ། །འཇིག་རྟེན་མགོན་པོ་འགྲོ་བའི་བདག་།འདོད་པའི་དབང་ཕྱུག་འདོད་པའི་ལྷ། །མཐོང་དང་མ་མཐོང་འབྲས་རབ
30a5 སྟེར། །དེ་འདིར་སྔགས་ནི་མཚུངས་མེད་པ། །བླ་མའི་ཞལ་ལ་རྣམ་པར་གནས། །དྲག་ཆེན་འཇིགས་བྱེད་ལུས་ལ་ནི། །ལྔ་པའི་ཐིག་ལེ་དང་བཅས་ཤིང་། །རྣམ་གཅོད་དང་པོ་ཡང་དག་ལྡན། །ཆེན་པོ་ལྔ་པའི་ལྔ་པས་བརྒྱན། །ལྕེ་གཉིས
30a6 ཡན་ལག་མེད་གཉིས་གནས། །ལུས་གསུམ་གྱི་ནི་སྔགས་མཆོག་ལ། །ཡི་གེ་རྣམས་ཀྱི་བསྡུ་བ་ལས། །མཚན་ཉིད་ཆོ་ག་བཞིན་དུ་བཟླས། །འདི་ཡི་རྗེས་དྲན་སྔགས་པ་ཡིས། །གཙང་ངམ་ཡང་ན་མི་གཙང་རུང་། །ལྷ་བཞིན་མཐོང་བ་ལྷ
30a7 རྣམས་ཀྱིས། །དེ་ཡི་ལྷ་མོ་འདོད་ལྷ་བཞིན། །འདི་བཞིན་སྔགས་ཀྱི་འདོད་ལྷ་ཡི། །བྱ་བ་མེད་ཅིང་སྒྲུབ་པའང་མེད། །མཆོད་མེད་མེ་ལ་སྦྱིན་སྲེག་མེད། །རྣལ་འབྱོར་ལྡན་དང་ཡང་དག་ལྡན། །དུས་ཚོད་རྣམས་ལས
30a8 རྣམ་ངེས་གྲོལ། །རྩེ་གཅིག་སེམས་ནི་གཡོ་མི་བྱེད། །སྒྲིབ་པ་དང་བྲལ་མཚུངས་པ་ཡི། །མཆོག་གི་བསམ་གཏན་ཡང་དག་སྦྱར། །རིགས་ཀྱི་འཇིག་རྟེན་དབང་ཕྱུག་གི་རྟོག་པ་ལྔ་བཅུ་པ་ལས་སྔགས་ཀྱི་དེ་ཁོ་ན་ཉིད་ཀྱི་ལེའུ
iiif viewer powered by OpenSeadragon
