| e-texts navigator |
| Wylie |
306a1 ཆོས་དག་གམ། །དེ་བཞིན་རྡོ་རྗེ་སེམས་དཔའང་རུང་། །སྐུ་གསུང་ཐུགས་ཀྱི་སངས་རྒྱས་སོགས། །རྡོ་རྗེ་གསུམ་པོ་མི་ཕྱེད་བརྟག་།དེ་འདས་རྨོངས་པའི་བདག་ཉིད་ཅན། །སོ་སོར་རྟོག་པ་འགག་པར་འགྱུར། །སྐུ་ལ་སོགས
306a2 པའི་གྲངས་མཉམ་པ། །སངས་རྒྱས་ཀྱང་ནི་གང་རྟོག་གྱུར། །སྟོང་པ་ཉིད་དུ་སྦྱོར་བ་ཡང་། །དེ་ནི་གསལ་བར་ཐེ་ཚོམ་མེད། །སྣ་ཚོགས་སྦྱོར་གྱུར་སྔགས་རྣམས་ནི། །གང་ཞིག་སྟོང་པར་མངོན་དུ་བྱེད། །འདས་པ་དག་ནི་དེ་ཐམས་ཅད། །རྨོངས་པའི
306a3 བདག་ཉིད་དེ་འགས་འགྱུར། །ཉན་ཐོས་རང་སངས་རྒྱས་རྣམས་ཀྱི། །བྱང་ཆུབ་བསྡུས་ནས་བཤད་པ་ཡིན། །འཇིག་རྟེན་པ་ཡི་གང་བཤད་པ། །མདོར་བསྡུས་པ་ནི་འདི་ཡིན་ནོ། །སངས་རྒྱས་ཡང་ན་རྡོ་རྗེ་ཆོས། །ཡང་ན་རྡོ་རྗེ་སེམས་དཔའང་རུང་། །
306a4 རྨོངས་པས་འདི་ལས་འདས་ན་ནི། །དེ་ནི་འགས་པར་ཐེ་ཚོམ་མེད། །དགོང་པ་ལུང་བསྟན་ལ་གནས་ནས། །གསང་བ་དམ་པ་ཡང་དག་བསྲུངས། །ལྷུན་གྱིས་གྲུབ་པའི་སྦྱོར་བ་ཡིས། །དངོས་གྲུབ་མཆོག་ནི་བསྒྲུབ་པར་བྱ། །སྐུ་ལ་སོགས
306a5 པའི་གསང་བ་མཆོག་། རྡོ་རྗེ་སྦྱོར་བ་ཞེས་བྱ་བའི། །དམ་ཚིག་བསྒྲུབ་པའི་མཆོག་བསྟན་པའི། །ལེའུ་བཅུ་གཉིས་གསུངས་པ་ཡིན། །དགོངས་པ་ལུང་བསྟན་པ་ཞེས་བྱ་བའི་བརྒྱུད་རྫོགས་སྷོ།། །། རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་།
306a6 ཞུ་ཆེན་གྱི་ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ། །ཐང་ཆེན་པོ་དང་རྒྱལ་མཚན་རེད་མོ་ཡིས། འདི་ཡི་ཞུས་ཆེན་ལེགས་པར་བགྱིས་པའོ། །སྟག་ལུང་བརྒྱུད་འབུམ་དང་བསྟུན་པའི་ཞུ་དག་གྲུབ། །
306a7 @##། །རྒྱ་གར་སྐད་དུ། བཛྲ་ཛྙཱ་ན་ས་མུཙྪ་ཡ་ནཱ་མ་ཏནྟྲ། བོད་སྐད་དུ། ཡེ་ཤེས་རྡོ་རྗེ་ཀུན་ལས་བཏུས་པ་ཞེས་བྱ་བའི་རྒྱུད། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཇི་སྐད་དུ།
306a8 བཅོམ་ལྡན་འདས་ཀྱིས་ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ལས་ཇི་ལྟ་བ་བཞིན་དུ་གསུངས་པའོ། །བྱམས་པ་ལ་སོགས་པ་བྱང་ཆུབ་སེམས་དཔའ་དྲུག་སྟོང་གིས་བཅོམ་ལྡན་འདས་ལ་ཞུས་པ། བཅོམ
iiif viewer powered by OpenSeadragon
