| e-texts navigator |
| Wylie |
93a1 མེད་ཤེས་གྱུར་ན། །སྡུག་བསྔལ་མ་ལུས་བདེ་བར་འགྱུར། །གཞན་ཡང་ཐུན་མོངས་འདི་ལྟ་སྟེ། །ཕྱོགས་ངན་ལ་སོགས་འགྲོ་བའི་ཚེ། །ཕྱོགས་ལས་རྣམ་པར་རྒྱལ་བར་བྱ། །ཉེས་ལེགས་ཀུན་གྱི་སྟངས
93a2 གཅོད་པ། །མནའ་འམ་གལ་གྱིས་འཇིགས་པ་ལ། །མནའ་ལས་རྣམ་པར་རྒྱལ་བར་བྱ། །ནད་དང་གདོན་གྱིས་ཉེན་པ་ལ། །བགེགས་ལས་རྣམ་པར་རྒྱལ་བར་བྱ། །བདག་གཞན་གཉིས་པོ་རྩོད་པ་ལ། །ངག་ལས
93a3 རྣམ་པར་རྒྱལ་བར་བྱ། །ལུས་སེམས་གཉིས་པོ་འབྲལ་དུས་དེར། །རླུང་ལས་རྣམ་པར་རྒྱལ་བར་བྱ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང
93a4 བའི་རྒྱུད་ལས་རྣམ་པར་རྒྱལ་བ་རྣམ་པ་ལྔའི་ལེའུ་སྟེ་བཅུ་པའོ། ། །།དེ་ནས་མགོན་པོ་ཧེ་རུ་ཀས་འཁོར་རྣམས་ལ་དེ་སྐད་ཅེས་བཀའ་སྩལ་པ་དང་། གསང་སྔགས་ཀྱི་སྡུད་པ་མོ་རབ་ཏུ་དགའ་སྟེ། འཁོར
93a5 རྣམས་འདུས་པའི་ཚོགས་ཀྱིས་ཀྱང་དེ་ལྟར་དགའ་མགུ་ཡི་རངས་ཏེ། ཕྱི་ནང་གསང་བའི་མཆོད་པ་ཕུལ་ནས། མགོན་པོ་ཐུགས་རྗེ་དང་ལྡན་པས། །བདག་དང་འདུས་པའི་འཁོར་རྣམས་དང་། །འཁོར་བའི
93a6 སེམས་ཅན་ཐམས་ཅད་ལ། །ཐུགས་རྗེས་གནང་བ་བཀའ་དྲིན་ལགས། །ཞེས་དགའ་མགུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །མཁའ་འགྲོ་མ་ཐམས་ཅད་ཀྱི
93a7 ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བ་རྩ་བའི་རྒྱུད་བཅོམ་ལྡན་འདས་འཇིགས་བྱེད་ཧེ་རུ་ཀས་གསུངས་པ་རྫོགས་སྷོ། ། །། དུར་ཁྲོད་བདག་མོས་གསོལ
93a8 པ། ལྷ་མོ་རྣམས་ཀྱི་སྐུ་མདོག་ནི། །ཇི་ལྟར་ཤེས་ན་གྲོལ་བར་འགྱུར། །ཕག་མོ་ཞེས་བྱ་གང་ལ་བྱ། །ཡི་གེའི་དོན་ནི་གང་ལ་བསྐྱལ། །བསྐྱེད་རྫོགས་ངོ་བོ་གང་ལ་བྱ། །དཔའ་བོ་ཧེ་རུ་ཀས་བཀའ་སྩལ་པ། ཉོན་ཅིག
iiif viewer powered by OpenSeadragon
