| e-texts navigator |
| Wylie |
63b1 མཆོད་པའི་སྤྲིན་གྱི་ཆར་ཆེན་པོ་ཡང་བབས་པར་གྱུར་ཏོ། །དེ་ནས་དཔའ་བོ་དང་མཁའ་འགྲོ་མ་རྣམས་ཀྱང་རྒྱུད་ཀྱི་དོན་ལ་དགའ་ཞིང་མགུ་སྟེ་རྗེས་སུ་ཡི་རང་ནས་མི་སྣང་བར་གྱུར་ཏོ། །དཔལ་ཆགས་པའི་རྒྱལ
63b2 པོའྀ་རྒྱུད་ཀྱི་རྒྱལ་པོ་རྫོགས་སྷོ། ། །། རྣལ་འབྱོར་མ་ཙནྡྲ་མཱ་ལེ་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། །
63b3 @#། །རྒྱ་གར་སྐད་དུ། ཤྲཱི་ཌཱ་ཀི་ནཱི་ས~ཾ་བ་ར་ཏནྟྲ་རཱ་ཛ་ནཱ་མ། བོད་སྐད་དུ། དཔལ་མཁའ་འགྲོ་མའི་སྡོམ་པའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་བདེ་བ་ཆེན་པོ་ལ་ཕྱག་འཚལ་ལོ། །བདེ་བ་ཆེན་པོའྀ་རོས
63b4 གང་བས། །ཐམས་ཅད་སྟོང་པར་གྱུར་ནས་ཀྱང་། །ཧེ་ཧེ་མགོན་པོ་རྡོ་རྗེ་འཛིན། །མཁའ་འགྲོ་མ་ནི་ཇི་ལྟར་ལགས། །དེའི་སྡོམ་པ་ཇི་ལྟར་ལགས། །དམ་ཚིག་བསྲུང་བ་ཇི་ལྟར་ལགས། །རྡོ་རྗེ་ཕག་མོ་བདག་ལ་གསུངས། །
63b5 ཉོན་ཅིག་རྡོ་རྗེ་ཕག་མོ་ཉོན། །དང་པོ་དམ་ཚིག་མཚན་ཉིད་ཀྱང་། །རྩ་བ་དང་ནི་ཡན་ལག་བཅས། །རང་གི་ལུས་ངག་ཡིད་གསུམ་དག་།ཀུན་ནས་འཁྲུགས་ཏེ་གཞན་གྱྀ་ཡང་། །སྒོ་གསུམ་ཀུན་འཁྲུགས་ཆེན་པོ་སྟེ། །
63b6 རང་བཞིན་སྒོ་གསུམ་འཁྲུགས་པ་འབྲིང་། །ཉམས་པ་འབྲིང་དུ་གསུངས་པ་ཡིན། །རང་གཞན་འཁྲུགས་པ་ཐ་མ་ཡང་། །ཉམས་པ་ཆུང་ངུ་ཡིན་པར་འདོད། །རེ་རེ་ལ་ཡང་གསུམ་གསུམ་སྟེ། །
63b7 ཉམས་པ་ཆེ་འབྲིང་དགུ་རུ་དབྱེ། །རང་ལ་མནར་སེམས་མ་སྐྱེས་ཀྱང་། །གཞན་ལ་མནར་སེམས་སྐྱེས་པ་ཡི། །བདག་གི་གཡེང་བས་རྐྱེན་བྱས་པ། །དེ་ཉིད་ཉམས་པ་འབྲིང་དུ་བཤད། །རང་ལ་མནར་སེམས
63b8 ཆེར་སྐྱེས་ཀྱང་། །གཞན་ལ་ཉེས་པ་ཆུང་བས་ན། །འདི་ཡང་ཉམས་པ་འབྲིང་དུ་བཤད། །གཡེང་བའི་རྐྱེན་གྱིས་གང་ཉམས་ཀྱང་། །འདི་ནི་ལྟུང་བ་ཡང་བར་གསུངས། །རང་གི་དམ་ཚིག་བསྲུངས་པ་ཡི། །ལྟ་སྤྱོད་གང་ལ་གཞན
iiif viewer powered by OpenSeadragon
