| e-texts navigator |
| Wylie |
52a1 ཞི་བྱས་ཏེ། །གཅིག་གམ་ལྔ་འམ་བདུན་ནམ་ནི། །ཉི་ཤུ་རྩ་གཅིག་བརྒྱ་རྩ་བརྒྱད། །ཅི་ནུས་པར་ནི་གདབ་པར་བྱ། །དུས་ནི་མཚན་མོ་ཤེས་པ་སྟེ། །དང་པོ་ལ་ནི་དཀྱིལ་འཁོར་གྱིས། །ཕྱག་རྒྱ་ཆེན་པོ་རྫོགས་པ་སྟེ། །
52a2 གསུམ་པ་བཞི་པ་གཉིས་པ་དག་།ཆོས་ཀྱི་སྐུ་ཡི་གཟུགས་བརྙན་གདབ། །བུམ་དབང་ས་ལ་གདབ་པ་སྟེ། །གསང་དབང་ས་དང་ཆུ་ལ་གདབ། །གསུམ་པ་མེ་དང་རླུང་ལ་གདབ། །བཞི་པ་ནམ་མཁར་གསུངས་པའོ། །དང་པོ་འཕོ་བས
52a3 མ་ལྷུང་ལ། །གཉིས་པ་རོ་བསྲེག་མ་ལྷུང་བའོ། །གསུམ་པ་ཚ་ཚས་མ་ལྷུང་ན། །འཆི་བ་སླུ་བའི་དམ་པ་སྟེ། །སྲིད་པའི་འཆི་བ་ལས་གྲོལ་ངེས། །དམན་པའི་འཕོ་བ་ལ་སོགས་པས། །ལྷུང་ཞིང་འཆི་བ་ཁོ་ནར་ངེས། །དེ་བས་སྲིད་ལས
52a4 གྲོལ་འདོད་པས། །བླ་མ་དམ་པ་རབ་མཉེས་ཏེ། །འཕོ་བ་ལ་སོགས་གདམས་ངག་བླང་། །རྒྱུད་འདི་གཏད་ཀྱིས་ལེགས་པར་ཟུང་། །དེའི་ཚེ་འཇིག་རྟེན་གྱི་ཁམས་ཀྱི་ས་ཆེན་པོ་ཡང་གཡོས་པར་གྱུར་ཏོ། །མཆོད་པ་སྣ་ཚོགས
52a5 པའི་ཆར་ཡང་བབ་བོ། །དཔའ་བོ་དང་མཁའ་འགྲོ་མ་དང་དུར་ཁྲོད་ན་གནས་པའི་རོ་ལངས་ཆེན་པོ་ཐམས་ཅད་རྒྱུད་ཀྱི་དོན་ལ་རྗེསུ་ཡི་རངས་བར་གྱུར་ཏོ། །དཔལ་གསང་བ་མེ་འབར་བའི་རྒྱུད་ཀྱི་རྒྱལ་པོ་རྫོགས་སྷོ།། །།
52a6 པཎ་ཌི་ཏ་གཱ་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། @#། །རྒྱ་གར་སྐད་དུ། ཤྲཱི་ཨ་མྲི་ཏ་གུ་ཧྱ་ཏནྟྲ་རཱ་ཛ། བོད་སྐད་དུ།
52a7 དཔལ་གསང་བ་བདུད་རྩིའི་རྒྱུད་ཀྱི་རྒྱལ་པོ། ། བཅོམ་ལྡན་འདས་དཔལ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང
52a8 གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་བཞུགས་སོ། །དེའི་ཚེ་བྱང་ཆུབ་སེམས་དཔའ་རྡོ་རྗེ་སྙིང་པོས་གསོལ་པ། དཀྱིལ་འཁོར་དབྱེ་བ་ཇི་ལྟ་བུ། །སྔགས་དང་གཏོར་མ་ཇི་ལྟ་བུ། །སྦྱིན་སྲེག་མཆོད་སོགས
iiif viewer powered by OpenSeadragon
