| e-texts navigator |
| Wylie |
41a1 པར་སྦ། །མན་ངག་ཆུ་བོའི་རྒྱུན་འདྲ་བས། །དེ་ཉིད་རྒྱུད་དུ་ཤེས་པར་བྱ། །ཟབ་མོའི་དོན་སྟོན་རྒྱལ་པོར་གསུངས། །རྡོ་རྗེ་ཕག་མོ་ལ་སོགས་རྣམས། །གསང་བའི་གསང་བ་རྨད་བྱུང་འདི། །ཁྱོད་ལ
41a2 གཏད་དོ་དམ་དུ་སྦོས། །ཀུན་ལ་སྤེལ་ན་དམ་ཚིག་ཉམས། །ཀྱེ་མ་རྒྱུད་ཀྱྀ་དོན་འདི་ལ། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་མཁའ་འགྲོ་མ་ཡི་ཚོགས། །ཐམས་ཅད་ངོ་མཚར་ཆེར་སྐྱེས་ཏེ། །
41a3 དགའ་ཞིང་མགུ་ནས་ཡི་རང་ངོ་། །དཔལ་ཡེ་ཤེས་འབར་བའི་རྒྱུད་ཀྱི་རྒྱལ་པོ་མཁའ་འགྲོ་མའི་གསང་བ་ལས་ཀྱང་གསང་བ་རྨད་དུ་བྱུང་བ་རྫོགས་སྷོ།། །། སིང་ག་ལའི་གླིང་གི་རྣལ་འབྱོར་མ
41a4 ཙནྡྲ་མཱ་ལེ་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། @#། །རྒྱ་གར་སྐད་དུ། ཤྲཱི་ཙནྡྲ་མཱ་ལ་ཏནྟྲ་རཱ་ཛ། བོད་སྐད་དུ། དཔལ་ཟླ་བའི་ཕྲེང་བའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས
41a5 དཔའ་ལ་ཕྱག་འཚལ་ལོ། །ཀྱེ་ཧོ་མགོན་པོ་རྡོ་རྗེ་ཅན། །སྒྲོན་མ་ཉི་ཤུ་རྩ་བཞི་ཡི། །ངེས་པ་གང་ལགས་ཚད་གང་ལགས། །རང་བཞིན་གྲུབ་པ་ཇི་ལྟར་ལགས། །མགོན་པོས་བདག་ལ་བཤད་དུ་གསོལ། །བཅོམ་ལྡན་འདས
41a6 ཀྱིས་བཀའ་སྩལ་པ། །རང་བཞིན་གྲུབ་པ་སྒྲུབ་འདོད་པ། །བླ་མའི་བཀའ་དྲིན་ལེགས་མནོས་ཏེ། །དུར་ཁྲོད་ལ་སོགས་ས་ཕྱོགས་སུ། །བར་ཆད་གསུམ་མེད་ཡོན་ཏན་ལྡན། །བརྟགས་པ་ལས་དང་པོ་ཡི་གནས། །
41a7 གང་ཟག་མཆོག་ལ་བརྟག་ཏུ་མེད། །ཡོན་ཏན་ལྡན་པའི་སར་འདུག་སྟེ། །བླ་མེད་སེམས་གཟུང་རྣལ་འབྱོར་པས། །སྒོ་གསུམ་དལ་བའི་ཚད་བརྟག་སྟེ། །བཅིང་བ་གསུམ་ནི་ངེས་བསྒོམས་པས། །སྐྱེ་བ་གཅིག་གིས
41a8 གྲུབ་པར་ངེས། །དབུགས་བཅིང་ཀུན་རྫོབ་སྣ་རྩེ་ཡིན། །ཡིད་བཅིངས་སོར་བཞི་ནམ་མཁའི་ཁམས། །སེམས་བཅིངས་རང་རིག་བསམ་མི་ཁྱབ། །རྒྱུ་རྐྱེན་ལས་ནི་སྣ་ཚོགས་ལས། །སེམས་ཅན་མོས་པ་སྣ་ཚོགས
iiif viewer powered by OpenSeadragon
