| e-texts navigator |
| Wylie |
36b1 ཡེ་ཤེས་ཀྱིས་བསྒྱུར་བའོ། ། @#། །རྒྱ་གར་སྐད་དུ། ཤྲཱི་ཛྙཱ་ན་གུ་ཧྱ་ཏནྟྲ་རཱ་ཛཱ། བོད་སྐད་དུ། དཔལ་ཡེ་ཤེས་གསང་བའི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ། །བྱང་ཆུབ་ཕྱོགས
36b2 ཆོས་སུམ་བཅུ་རྩ་བདུན་གྱི། །རང་ལུས་རྩ་ཡི་འཁོར་ལོ་བཞིའི་གཙོ་བོ། །སྙིང་པོ་དེ་ལ་ཡང་དག་ཕྱག་འཚལ་ལོ། །དབང་བཞིའི་དེ་ཉིད་བདག་ལ་གསུངས། །ཉོན་ཅིག་རྡོ་རྗེ་སྙིང་པོའི་བདག་།བསྐྱེད་པའི་རིམ་པའི་ལྷ་རྣམས་ཀྱི། །དེ
36b3 ཉིད་དང་པོར་བཤད་བྱ་སྟེ། །དྲུག་བཅུ་རྩ་བཞི་དཔེ་བྱད་ཡིན། །སུམ་བཅུ་རྩ་བདུན་བྱང་ཆུབ་ཕྱོགས། །ལྔ་ནི་ཡེ་ཤེས་ལྔ་ཡིན་ཏེ། །དཔའ་བོ་གཅིག་པ་ཆོས་ཀྱི་དབྱིངས། །ཕྱག་མཚན་སྐུ་མདོག་གཞན་ནས་གསུངས། །གུ་ཧྱའི་རྡོ
36b4 རྗེ་དྲིལ་བུའི་ཚད། །ནས་དང་སོར་ཚིགས་ཡིན་པར་འདོད། །དེ་ཉིད་ཐབས་དང་ཤེས་རབ་ཡིན། །དོན་དམ་ཉིད་ལ་དབྱེར་མེད་དེ། །བསྒོམ་བྱ་མེད་དེ་སྒོམ་པ་མེད། །བསྒོམས་པས་ཐོབ་པ་ཅི་ཡང་མེད། །རྒྱུ་དང་རྐྱེན་གྱིས་བསྐྱེད་དུ
36b5 མེད། །སེམས་ཀྱི་གཞི་ལ་སྐུ་ལྔ་དང་། །སྟོན་པ་མེད་ཅིང་བསྟན་པ་མེད། །འཇིགས་དང་རྣམ་རྟོག་ཀུན་དང་བྲལ། །དེ་ཉིད་བཞི་པའི་དེ་ཉིད་དོ། །དང་པོ་རླུང་གི་དེ་ཉིད་དེ། །སྲོག་རྩོལ་གཉིས་ནི་ཨ་དང་ཧ~ཾ། ། ནི་ཆོས་རྣམས
36b6 ཐོག་མ་ནས། །མ་སྐྱེས་པ་ཡི་དོན་ཡིན་ནོ། །ཧ~ཾ་ནི་གཟུང་འཛིན་གཉིས་ཀྱིས་སྟོང་། །ལྡང་འཇུག་གསུམ་ནི་སྐུ་གསུང་ཐུགས། །སེམས་ཀྱི་གཞི་དང་སྐུ་ལྔ་དང་། །རྣམ་པར་ཐར་དང་སྟོང་པ་དང་། །དེ་བཞིན་མཚན་དང
36b7 དཔེ་བྱད་སོགས། །དེ་དག་རླུང་གི་དེ་ཉིད་དེ། །དེ་ནས་ཐིག་ལེའི་དེ་ཉིད་ཀྱང་། །ཉི་ཟླ་ཐབས་དང་ཤེས་རབ་སྟེ། །སྔགས་ཀྱི་ཕྲེང་བ་མཚན་དཔེ་ཡིན། །ཐིག་ལེ་ཡེ་ཤེས་ལྔ་རང་བཞིན། །གཉིས་སུ་མེད་པའི་དེ་ཉིད་ཡིན། །
36b8 ཕྲ་མོ་ལ་སོགས་གཞན་ནས་ཤེས། །དེ་ནས་འོག་གི་སྒོ་དག་ནི། །དེ་ཉིད་ཡང་དག་བཤད་བྱ་སྟེ། །རྩ་གསུམ་སྐུ་གསུང་ཐུགས་ཀྱི་སྟེ། །རྩ་ལྔ་ཡེ་ཤེས་ལྔ་ཡིན་ནོ། །ཙཎྜཱ་ལི་ནི་ཉི་ཤུ་བཞི། །དེ་ཉིད་ཡེ་ཤེས་ཉི་ཤུ་བཞི། །
iiif viewer powered by OpenSeadragon
