| e-texts navigator |
| Wylie |
152a1 བ་གདབ་པ་དང་། རྒྱུད་ཐམས་ཅད་ཀྱི་གླེང་གཞིའི་ལེའུ་སྟེ་བཅུ་བཞི་པའོ། །འདི་གསུངས་ནས་སྣ་ཚོགས་སྡེ་མ་ལ་སོགས་པའི་རྣལ་འབྱོར་མ་ཐམས་ཅད་དང་། ཕྱག་ན་རྡོ་རྗེ་ལ་སོགས་པའི་བྱང་ཆུབ་སེམས
152a2 དཔའ་རྣམས་རང་རང་གི་གནས་ན་འདུག་སྟེ། ཅིའང་མི་གསུང་བར་བཞུགས་སོ། །སངས་རྒྱས་ཐོད་པ་ཞེས་བྱ་བའི་རྒྱུད་རྣལ་འབྱོར་མ་ཆེན་མོས་གསུངས་པ་མཆོག་ཏུ་གསང་བ་རྫོགས་སྷོ།། །། རྒྱ་གར་གྱི་མཁན་པོ་ཤྲཱི་ག་ཡ་དྷ་ར་དང་། བོད་ཀྱི་ལོ་ཙྪ
152a3 བ་གྱི་ཇོ་ཟླ་བའི་འོད་ཟེར་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། །ཡེ་དྷ་རྨཱ་ཧེ་ཏུ་པྲ་བྷ་བཱ་ཧེ་ཏུན་ཏོ་ཥཱན་ཏ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བ~ཾ་བཱ་དཱི་མ་ཧཱ་ཤྲ་མ་ཎཿ།། @##། །རྒྱ་གར་སྐད་དུ། ཤྲཱི་མ་ཧཱ་མཱ་ཡཱ་ཏན་ཏྲ་རཱ་ཛ
152a4 ནཱ་མ། བོད་སྐད་དུ། དཔལ་སྒྱུ་འཕྲུལ་ཆེན་པོ་ཞེས་བྱ་བའི་རྒྱུད་ཀྱི་རྒྱལ་པོ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོ་བསྒྱུར། །ཡེ་ཤེས་ལྔ་དང་སྐུ་གསུམ་ཉིད། །
152a5 འགྲོ་བ་སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་འཆིང་གཅོད་ཅིང་། །འཇིག་རྟེན་བྱ་བར་རབ་འཇུག་པ། །དེ་སྙེད་རྣམས་ལ་ཕྱག་འཚལ་ལོ། །དེ་ནས་དེ་ལས་རྡོ་རྗེ་མཁའ་འགྲོ་མ་གསང་བའི་དབང་ཕྱུག་མ་རྣམས་ཀྱི
152a6 མཆོག་ཏུ་གསང་བ་ཞེས་བྱ་བའི་རྒྱུད་བཤད་པར་བྱ་སྟེ། གང་ཞིག་གིས་ནི་ཀུན་ཁྱབ་པ། །རྒྱུ་དང་མི་རྒྱུ་ཚངས་སྒོ་ང་། །ལྷ་མོ་ཐམས་ཅད་སྐྱེད་བྱེད་ཅིང་། །ཚངས་ལ་སོགས་པའི་བདག་ཉིད་ཆེ། །དེ་རྣམས་ཀྱི་ནི་གསང་ཆེན་འདི། །སྒྱུ་འཕྲུལ་ཆེན་མོ་དབང
152a7 ཕྱུག་ཆེ། །སྒྱུ་འཕྲུལ་ཆེན་མོ་དྲག་ཆེན་མོ། །འབྱུང་བ་ཡང་དག་བསྡུད་མཛད་མ། །གང་གིས་འདི་ཀུན་ལ་ཁྱབ་པ། །རྒྱུ་དང་མི་རྒྱུའི་འཇིག་རྟེན་གསུམ། །དེས་ནི་དེ་ནས་འདི་བསྡུས་ནས། །འཇིག་རྟེན་གསུམ་པོ་ཡང་སྤྲོའོ། །གསང་བ་པ་རྣམས་འདི་ཡི་ནི། །
152a8 སྒྱུ་མའི་བདག་ཉིད་ཅེས་རྣམ་གྲགས། །འཇིག་རྟེན་གསུམ་སྒྲུབ་རིག་མ་སྟེ། །འདོད་པ་ཐམས་ཅད་རབ་སྟེར་བ། །གང་ཞིག་རྣམ་པར་ཤེས་ཙམ་གྱིས། །སྒྲུབ་པའི་དབང་ཕྱུག་རིག་པ་ཉིད། །ལྷ་དང་ནོར་བདག་དྲི་ཟ་དང་། །གནོད་སྦྱིན་ལྷ་མིན་མི་དང་བཅས། །
iiif viewer powered by OpenSeadragon
