| e-texts navigator |
| Wylie |
126a1 པ་དང་གཏོར་མའི་ལེའུ་སྟེ་ཉི་ཤུ་རྩ་ལྔ་པའོ། །དཔལ་མགོན་པོ་ཆེན་པོ་ཁྲོས་པའི་མགོན་པོ་གསང་བ་མངོན་པར
126a2 འབྱུང་བའི་རྒྱུད་ཀུན་གྱི་རྩ་བར་གྱུར་པ་བསྟན་པ་འཛིན་པ། བསྟན་པ་སྐྱོང་བ། བསྟན་པ་བསྲུང་ངེས་པ། གསང་བ་བདུད་དཔུང་འདུལ་བར་བྱེད་པའོ། །དཔལ
126a3 མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ཀུན་གྱི་སྙིང་པོར་གྱུར་པ་གདོད་ནས་གྲུབ་པའི་བླ་མ་ཡིན་ནོ། །རྫོགས་སྷོ།། །།
126a4 རྒྱ་གར་གྱི་མཁན་པོ་མ་ཧཱ་པཎྜི་ཏ་ཨ་བྷ་ཡཱ་ཀ་ར་གུཔྟ་པཱ་ཏའི་ཞལ་སྔ་ནས་དང་། བོད་ཀྱི་ལོ་ཙྪ་བ་མཁས་པ་ཆེན་པོ་ཁེའུ་རྒད་འཁོར་ལོ་གྲགས་ཀྱིས་བསྒྱུར་ཅིང་ཞུས་པའོ། །
126a5 ཡང་སླད་ནས་མཁས་པ་ཆེན་པོ་སངས་རྒྱས་གྲགས་པའི་སྤྱན་སྔར་ཀེ་བོ་ཤེས་རབ་དཔལ་གྱིས་ཀྱང་ཞུ་ཏིག་བགྱིས་པའོ། །
126a6 @#། །རྒྱ་གར་སྐད་དུ། ཤྲཱི་བུད་དྷ་ཀ་པཱ་ལ་ནཱ་མ་ཡོ་གི་ཏན་ཏྲ་རཱ་ཛ། བོད་སྐད་དུ། དཔལ་སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ། དཔལ་སངས་རྒྱས
126a7 ཐོད་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས
126a8 རྡོ་རྗེའི་དཀྱིལ་འཁོར་ཆེན་པོ་རྒྱན་དང་ལྡན་པའི་དབུས་སུ་དེ་བཞིན་གཤེགས་པ་ཐམས་ཅད་དང་། རྣལ་འབྱོར་མ་རྣམས་དང་ལྷན་ཅིག་ཏུ་བཞུགས་ཏེ། འཕགས་པ་ཀུན་དགའ་བོ་ལ་སོགས་པ་འདོད་ཆགས་དང་བྲལ
iiif viewer powered by OpenSeadragon
