| e-texts navigator |
| Wylie |
164a1 @#། །རྒྱ་གར་སྐད་དུ། ཤ་ཀ་པྲ་ཀྲི་ཡ། བོད་སྐད་དུ། དབང་གི་རབ་ཏུ་བྱེད་པ། ཐུགས་རྗེ་ཆེན་པོ་འཕགས་པ་སྤྱན་རས་གཟིགས་ལ་ཕྱག་འཚལ་ལོ། ། ཕབ་པ་བཏང་བའི་ཕྱི་ནས་མགོ་བོ་དང་ནི་སྙིང་ག
164a2 སྤྱི་གཙུག་རྣམས་དང་ལྟེ་བ་མགྲིན་པ་དང་། །གསང་བ་རྣམས་སུ་བསྲུང་བ་རྒྱལ་བ་རྣམས་ཀྱིས་རང་གི་རིགས་གྱུར་རྣམས་ལ་རང་གི་རྡོར་གསུམ་གྱིས། །སློབ་མ་རྣམས་ཀྱི་ལུས་ལ་གོས་སེར་སྐོན་ཞིང་མིག་རྣམས་བཀབ
164a3 ནས་དཀྱིལ་འཁོར་འདིར་ནི་གཞུག་པར་བྱ། །ཀུན་རྫོབ་དོན་དུ་རབ་མཆོག་ལམ་ནས་གཤེགས་ཉིད་རྣམས་ལ་བརྟུལ་ཞུགས་རྣམས་ནི་སྦྱིན་བྱ་རྟག་པ་རུ། །བསད་དང་མི་བདེན་པ་དང་གཞན་གྱི་བུད་མེད་རྣམས་སྤངས་དེ
164a4 བཞིན་གཞན་ནོར་ཆང་འཐུང་དག་ཀྱང་སྟེ། །འཁོར་བའི་རྡོ་རྗེ་ཞགས་པ་རང་གི་དགེ་བ་འཇོམས་པར་བྱེད་པ་སྡིག་པ་ལྔ་པོ་འདི་ཉིད་རྣམས། །གང་ཞིག་གང་གི་དུས་སུ་བྱུང་བའི་ལྷ་དང་མི་ཡི་བླ་མ་དེ་ཡི་མིང་གིས་རབ་ཏུ་སྦྱིན
164a5 བྱས་པའི། །སྣ་ཚོགས་གཙོ་བོའི་བཀའ་སྩལ་འདི་ཡིས་སྲིད་པའི་འཇིགས་པ་འཇོམས་པས་ཁྱེད་རྣམས་ཀྱིས་ཀྱང་སྐྱང་བར་གྱིས། །རྒྱན་འགྱེད་ཁ་ན་མ་ཐོ་བཅས་པའི་ཟས་དང་ཚིག་ངན་ཀློག་དང་འབྱུང་པོ་ལྷ་མིན
164a6 ཆོས་རྣམས་དང་། །བ་ལང་བྱིས་པ་བུད་མེད་སྐྱེས་པ་རྣམས་དང་ལྷ་དང་མི་རྣམས་བླ་མ་ལྔ་ནི་གསད་མི་བྱ། །གྲོགས་དང་རྗེ་བོ་དང་ནི་ལྷ་དང་མི་ཡི་བླ་མ་དགེ་འདུན་དབུགས་འབྱིན་རྣམས་ལ་འཁུ་བ་དང་། །དབང་པོ་རྣམས
164a7 ཀྱིས་ཡོངས་སུ་ཆགས་རྣམས་མིན་ཏེ་སྲིད་པའི་བདག་པོའི་བརྟུལ་ཞུགས་ཉི་ཤུ་རྩ་ལྔའོ། །དཔལ་ལྡན་སྔགས་ཀྱི་མངོན་པར་བསྔགས་པ་ལག་པའི་པདྨ་ཁ་སྦྱར་དུ་ནི་མེ་ཏོག་གཅིག་བྱིན་ཏེ། །དང་པོར
164a8 ལན་གསུམ་བསྐོར་ཏེ་ལག་པའི་པདྨ་ཁ་སྦྱར་གནས་པའི་མེ་ཏོག་དཀྱིལ་འཁོར་དུ་ནི་དོར། །གནས་གྱུར་གང་དུ་མེ་ཏོག་བཟང་པོ་ལྷུང་བ་དེ་ཉིད་དེ་ཡི་རིགས་སུ་ངེས་སོ་མི་བདག་ཀྱེ། །ཕྱི་ནས་དབང་བདུན་རྣམས་དང་རྣམ་གསུམ་འདིར་ནི་ཇི་ལྟ
iiif viewer powered by OpenSeadragon
