| e-texts navigator |
| Wylie |
161b1 སངས་རྒྱས་པ་ཡི་གང་ཞིག་ལམ་བསྟན་པ། །རྒྱལ་བ་སྟོབས་བཅུ་ལྡན་དང་སྟོན་པའི་སྲས་དང་སངས་རྒྱས་པ་ཡི་ལྷ་ཀླུ་དྲི་ཟ་ལྷ་མིན་དང་། །ཁྲོ་བོ་སྲིན་པོ་ཤ་ཡི་དམ་ཚིག་ཅན་དང་སྟག་གཟིག་རྣམས་དང་མུ་སྟེགས་སྤྱོད་པ
161b2 རྣམས། །དེ་ཀུན་སཾ་བྷ་ལ་ཞེས་བྱ་བ་རྒྱལ་མཆོག་བཞུགས་གནས་དེར་ནི་ཉི་མ་བདག་གིས་བསྟེན། །དཔལ་ལྡན་འབྲས་ཕུང་ཆོས་ཀྱི་དབྱིངསུ་སྟོབས་བཅུ་མངའ་བས་གང་ཞིག་བདུད་རྣམས་བཏུལ་མཛད་པ། །དེ་ཀུན
161b3 སཾ་བྷ་ལ་ཡི་དཔལ་ལྡན་ཀ་ལཱ་པ་ཡི་བསྐྱེད་མོས་ཚལ་གྱི་དུས་འཁོར་གྱི། །དོན་ཆེན་གསེར་གྱི་དཀྱིལ་འཁོར་ཁང་པའི་སྒོ་ཡི་ཕྱི་རོལ་ཐུབ་པ་ཉི་མའི་ཤིང་རྟས་དྲིས། །དཔལ་ལྡན་འཇམ་དབྱངས་རིན
161b4 ཆེན་སེང་གེའི་ཁྲི་ལ་བཞུགས་པ་སྟོབས་བཅུ་མངའ་བའི་མཛད་སྤྱོད་གསུངས། །དཔལ་དུས་ཀྱི་འཁོར་ལོའི་རྒྱུད་ཕྱི་མ་རྒྱུད་ཀྱི་སྙིང་པོ་རྫོགས་སོ།། །།ཤཱཀྱའི་དགེ་སློང་དྷརྨ་གྲགས་ཀྱིས་བསྒྱུར
161b5 བའོ། །ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟེ་ན་ཏེ། ཏེ་ཥཉྩ་ཡོ་ནི་རོ་དྷ་ཨེ་བམྦཱ་དཱི་མ་ཧཱ་ཤྲ་མ་ཎཿ། །སརྦ་པཱ་པ་སྱཱ་ཀ་ར་ཎ~ཾ། ཀུ་ཤ་ལ་སྱོ་པ་སམྤ་ད~ཾ། སྭ་ཙི་ཏྟ~ཾ་པ་རི་ད་མ་ནུ། མེ་ཏདྤུ་དྡྷཱ་ནུ་ཤཱ་ས་ན།
161b6 @#། །རྒྱ་གར་སྐད་དུ། ཤྲཱི་ཀཱ་ལ་ཙཀྲ་གརྦྷ་ནཱ་མ་ཏན་ཏྲ། བོད་སྐད་དུ། དཔལ་དུས་ཀྱི་འཁོར་ལོ་ཞེས་བྱ་བའི་རྒྱུད་ཀྱི་སྙིང་པོ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཐམས་ཅད
161b7 མཁྱེན་པའི་ཡེ་ཤེས་སྐུ། །ཉིན་མོར་བྱེད་པའི་འོད་ལྟ་བུ། །པད་མའི་འདབ་མ་འདྲ་བའི་སྤྱན། །སངས་རྒྱས་སེང་གེའི་གདན་ལ་བཞུགས། །ལྷ་ཡི་མཆོག་གིས་ཕྱག་བྱས་པ། །སྤྱི་བོས་གཏུགས་ཏེ་ཕྱག
161b8 འཚལ་ལོ། །རྒྱལ་པོ་ཟླ་བ་བཟང་པོས་ཞུས། །ཡན་ལག་པད་མ་སྦྱར་བ་ནི། །ཡན་ལག་མཆོག་ལ་བཞག་བྱས་ཏེ། །དུས་ཀྱི་འཁོར་ལོའི་སྦྱོར་བ་ནི། །རྩོད་པ་དག་གི་དུས་ཀྱི་ནི། །མི་རྣམས་གྲོལ་བའི་རྒྱུ་རུའོ། །
iiif viewer powered by OpenSeadragon
