| e-texts navigator |
| Wylie |
281a1 ཕབ་པ། ། །། @#། །འཕགས་པ་གནས་འཇོག་གི་མདོ་ཞེས་བྱ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་སེར
281a2 སྐྱའི་གནས་ན་ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དེ་ནས་དྲང་སྲོང་ཆེན་པོ་སེར་སྐྱ་ཉིན་རེ་ཞིང་རྐང་པས་འགྲོ་ལ་འཆག་ཅིང་རྗེས་སུ་འཆག་པ་བཅོམ་ལྡན་འདས་ག་ལ་བ་དེར་ཆེད་དུ་སོང་སྟེ། བཅོམ་ལྡན་འདས
281a3 དང་། ཡང་དག་པར་དགའ་བ་དང་། ཡང་དག་པར་བསྙེན་པའི་གཏམ་རྣམ་པ་སྣ་ཚོགས་དག་བྱས་ནས་ཕྱོགས་གཅིག་ཏུ་འདུག་གོ། །བྲམ་ཟེ་གནས་འཇོག་ཕྱོགས་གཅིག་ཏུ་འདུག་པར་བཅོམ་ལྡན་འདས་ཀྱིས
281a4 མཁྱེན་ནས་དེ་ལ་འདི་སྐད་ཅེས་བཀའ་སྩལ་ཏོ། །གནས་འཇོག་ཁྱོད་ཅིའི་ཕྱིར་འདི་ལྟར་སྐེམ་ཞིང་མདོག་མི་སྡུག་།ག་ཙོམ་དང་། སྐྲ་དང་། སེན་མོ་དང་། སྤུ་རིང་ཞིང་ལུས་རྩུབ་ལ་བཅོམ་ཆུང་ངུར་སྨྲ། གནས་འཇོག
281a5 གིས་གསོལ་པ། གཽ་ཏ་མ་བདག་ནི་དགུང་ཟླར་སྨྱུང་བ་བགྱིད་པས་འདི་ལྟར་སྐེམ་ཞིང་མདོག་ངན། ཨག་ཙོམ་དང་། སྐྲ་དང་། སེན་མོ་དང་། སྤུ་རིང་ཞིང་ལུས་རྩུབ་ལ་ཅོམ་ཆུང་ངུར་སྨྲ་བ་ལགས་སོ། །དེ་ནས
281a6 བཅོམ་ལྡན་འདས་ཀྱིས་མཁྱེན་བཞིན་དུ་དྲང་སྲོང་གནས་འཇོག་ལ་སྨྲས་པ། གནས་འཇོག་ཁྱོད་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་གནས་ཤིང་ཆོ་འཕྲུལ་གྱི་ཕྱོགས་ལ་ཡང་ནན་ཏན་གྱིས་སྒྲུབ
281a7 བམ། གནས་འཇོག་གིས་གསོལ་པ། ཀྱེ་གཽ་ཏ་མ་གང་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་གནས་པ་དང་། ཆོ་འཕྲུལ་གྱི་ཕྱོགས་ལ་ནན་ཏན་གྱིས་སྒྲུབ་པ་དེ་ཅིར་འགྱུར། བཅོམ་ལྡན་འདས་ཀྱིས་བཀའ
281a8 སྩལ་པ། བྲམ་ཟེ་དེ་ནི་ལྷ་དང་མི་རྣམས་ཀྱི་འདོད་པ་ལ་སྤྱོད་པར་འགྱུར་རོ། །གནས་འཇོག་གིས་གསོལ་པ། གཽ་ཏ་མ་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ཤེས་བགྱི་བ་དེ་གང་ལགས། གཽ་ཏ་མ་ཇི་ལྟར་ན
iiif viewer powered by OpenSeadragon
