| e-texts navigator |
| Wylie |
270a1 དང་བདག་། བསྒྲེ་དང་མཛའ་བཤེས་ལྔ་པའོ། །མྱ་ངན་འདས་དང་མཐོང་བ་དང་། །སྡིག་དང་ཕྲུགས་དང་བདེན་པ་དང་། །སེམས་དང་དགེ་སློང་ཚོམས་དག་དང་། །བྲམ་ཟེ་ཡང་ནི་ཐ་མ་ཡིན། །ཆེད་དུ་བརྗོད་པའི་ཚོམས
270a2 དགྲ་བཅོམ་པ་ཆོས་སྐྱོབ་ཀྱིས་བསྡུས་པ། །རྫོགས་སོ།། །། རྒྱ་གར་གྱི་མཁན་པོ་བིདྱ་པྲ་བྷ་ཀ་ར་དང་། ལོ་ཙྪ་བ་བན་དེ་རིན་ཆེན་མཆོག་གིས་བསྒྱུར། ཞུ་ཆེན་གྱི་ལོ་ཙྪ་བ་བན་དེ་དཔལ་བརྩེགས་ཀྱིས་ཞུས་ནས་གཏན་ལ་ཕབ་པ། །
270a3 @##། །རྒྱ་གར་སྐད་དུ། ཨཱརྱ་སད་ཛཱ་ན་པུ་རུ་ཥ་སཱུ་ཏྲ། བོད་སྐད་དུ། འཕགས་པ་སྐྱེས་བུ་དམ་པའི་མདོ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ
270a4 དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག
270a5 ལྔ་པོ་འདི་དག་ནི་སྐྱེས་བུ་དམ་པའི་སྦྱིན་པ་དག་ཡིན་ཏེ། ལྔ་གང་ཞེ་ན་དགེ་སློང་དག་སྐྱེས་བུ་དམ་པ་ནི་དད་པས་སྦྱིན་པ་སྦྱིན་པར་བྱེད་པ་ཡིན། གུས་པར་བྱས་ཏེ་རང་གི་ལག་པ་ནས་དང་། དུས་སུ་གཞན་དག་ལ་མི་གནོད་པར
270a6 སྦྱིན་པ་སྦྱིན་པར་བྱེད་པ་ཡིན་ནོ། །དགེ་སློང་དག་དད་པས་སྦྱིན་པ་བྱིན་པའི་འབྲས་བུ་རྣམ་པར་སྨིན་པར་འདོད་བྱ་བ་གང་ཞེ་ན། དད་པས་སྦྱིན་པ་བྱིན་པས་ཕྱུག་པོར་འགྱུར་བ་ཡིན། ནོར་མང་བ་དང་། ལོངས་སྤྱོད་ཆེ་བ་ཡིན།
270a7 ནོར་གྱི་ཡོ་བྱད་མང་བ་ཡིན། བདག་དབང་བའི་སློང་ཆེ་བ་ཡིན། ནོར་དང་། འབྲུ་དང་། དབྱིག་དང་། གསེར་དང་། མཛོད་དང་། བདེ་བའི་ཚོགས་མང་བ་ཡིན། བྲན་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་མང་བ་ཡིན
270a8 མཛའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བ་ཡིན་ཏེ། དགེ་སློང་དག་དད་པས་སྦྱིན་པ་བྱིན་པའི་འབྲས་བུ་རྣམས་པར་སྨིན་པ་དེ་ལྟ་བུ་འདོད་པར་བྱའོ། །དགེ་སློང་དག་གུས་པར་བྱས་ཏེ། སྦྱིན་པ
iiif viewer powered by OpenSeadragon
