| e-texts navigator |
| Wylie |
178a1 མཁའ་ལྡིང་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་ཆེན་པོ་དང་། སྲིན་པོ་དང་། ཡི་དགས་དང་། ཤ་ཟ་དང་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །
178a2 འཕགས་པ་མཚན་མོ་བཟང་པོ་ཞེས་བྱ་བའི་མདོ། རྫོགས་སོ།། །། མུན་གྱི་ནགས་ཚལ་གྱི་སྒོ་ཞེས་བྱ་བའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ
178a3 དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་དེའི་ཚེ་ངམ་གྲོག་གསུམ་པོ་ཞེས་བྱ་བའི་ལྗོངས་ཀྱི་སྐྱེ་བོ་དག་གི་ནང་ནས་རི་ཁྲོད་ཀྱི་གྲོང
178a4 ཞིག་ན། བྲམ་ཟེ་ལ་བ་ཅན་ཞེས་བྱ་བ་སྤུན་བུ་འདོད་པའི་ཕྱིར་བྲམ་ཟེ་རྡོ་ལེབ་ལ་དཀའ་ཐུབ་བྱེད་དེ་ལྷ་སྟོང་ཕྲག་བརྒྱ་ལ་བུ་སློང་ཞིང་གསོལ་བ་འདེབས་པ་དང་ལ་བ་ཅན་ལ་བུ་བཙས་པ་ནི་མིང་རབ་མཐོང་ཞེས་བཏགས་སོ། །ནུ་བོ་ལ་བཙས
178a5 པ་ནི་དགའ་བོ་ཞེས་བཏགས་སོ། །གང་གི་ཉིན་མོ་རབ་མཐོང་བཙས་པ་དེའི་ཉིན་མོ་བྲམ་ཟེ་ལྔ་བརྒྱ་ལ་བུ་ལྔ་བརྒྱ་བཙས་ཏེ། །དེ་དག་རིམ་བཞིན་དུ་བུ་ཆེར་སྐྱེས་པ་དང་། རབ་མཐོང་ལ་སོགས་པ་ལྔ་བརྒྱ་ལྷན་ཅིག་ཏུ་རིག་པ་དག་སློབ་པ་ན།
178a6 རབ་མཐོང་ལ་སོགས་པ་རིག་པའི་གནས་ཐམས་ཅད་ཀྱི་ཕ་རོལ་དུ་སོན་ཅིང་ཐམས་ཅད་རྫོགས་པར་ཡང་དག་པར་བྱང་བར་གྱུར་ལ། བསོད་ནམས་ཀྱི་ཚོགས་ཡང་དག་པ་ལས་བྱུང་བའི་སྤྱོད་པ་མཚུངས་པ་མེད་པ་སྟོང་ཕྲག་བརྒྱ
178a7 སྙེད་ཐོབ་སྟེ། དབང་བྱེད་པ་གང་གི་དུས་སུ་བྲམ་ཟེ་མ་ཎ་བ་གཅིག་ཡུལ་དབུས་ནས་འོངས་ཏེ་ཕྱིན་ནས་ཕྲད་པ་དང་། དེ་ལ་གསོང་པོར་སྨྲས་ཏེ་གཏམ་དག་ཀྱང་བྱས་ནས་ངེས་པར་གང་ནས་འོངས་པ་ཡིན་ཞེས་དྲིས་པ་དང་། དེས
178a8 སྨྲས་པ་ཡུལ་དབུས་ནས་འོངས་པ་ཡིན་ཏེ་དེ་ཡང་གྲོང་ཁྱེར་ཆེན་པོ་དྲུག་གོ། །དེའི་ནང་དག་ན་ཚད་མ་དྲུག་ལ་མཁས་ཤིང་ལྟས་ཀྱི་བྱ་བ་དྲུག་ལ་ཐོགས་པ་མེད་པར་བརྗོད་ནུས་པའི་སྟོན་པ་བཅཝ་བརྒྱད་ཡོད་དེ་དེ་ན་ཆུ་ཀླུང་ཡང
iiif viewer powered by OpenSeadragon
