| e-texts navigator |
| Wylie |
332b1 མཁས་པ་གནས་དང་གནས་མ་ཡིན་པ་ལ་མཁས་པ་ཡིན་ནོ། །བཙུན་པ་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། ཀུན་དགའ་བོ་དེའི་ཕྱིར་ཆོས་ཀྱི་རྣམ་གྲངས་འདི་ནི་ལེའུ་བཞི་པ་ཞེས་བྱ
332b2 བར་ཡང་ཟུང་ཤིག་། ཆོས་ཀྱི་མེ་ལོང་ཞེས་བྱ་བར་ཡང་ཟུང་ཤིག་།བདུད་རྩིའི་རྔ་བོ་ཆེ་ཞེས་བྱ་བར་ཡང་ཟུང་ཤིག་།ཁམས་མང་པོ་པ་ཞེས་བྱ་བར་ཡང་ཟུང་ཤིག་དེ་བས་ན་ཁམས་མང་པོ་ཞེས་བྱ་བ་ནི་ཆོས་ཀྱི་རྣམ་གྲངས
332b3 འདིའི་ཚིག་བླ་དགས་ཡིན་ནོ། །ཁམས་མང་པོ་པ་ཞེས་བྱ་བའི་མདོ་རྫོགས་སོ།། །། @#། །རྒྱ་གར་སྐད་དུ། གཎ་ཌཱི་སཱུ་ཏྲ། བོད་སྐད་དུ། གཎ་ཌཱིའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས
332b4 ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་དགེ་སློང་སྟོང་དུ་ཚང་བའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ
332b5 སེམས་དཔའི་ཚོགས་ཆེན་པོ་དང་ཐབས་གཅིག་ཏུ་བཞུགས་ཏེ། ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད་པར་སྦྱོར་བ་ཡོངས་སུ་ཟད་པ།
332b6 ཡང་དག་པའི་ཤེས་པས་སེམས་ཤིན་དུ་རྣམ་པར་གྲོལ་བ་རྣམས་དང་། བཅོམ་ལྡན་འདས་ཐབས་གཅིག་གོ། །དེའི་ཚེ་རྒྱལ་པོ་གསལ་རྒྱལ་ཞེས་བྱ་བ་སྟན་ལས་ལངས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས།
332b7 བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མ་འོངས་པའི་དུས་སུ་རྩོད་པའི་དུས་ཀྱི་ཚེ་སེམས་ཅན་ཐམས་ཅད་སྡིག་པའི་སེམས་དང་།
332b8 འཐབ་པའི་སེམས་དང་། འདོད་ཆགས་དང་། ཞེ་སྡང་དང་། གཏི་མུག་དང་ཀུན་དུ་ལྡན་པ། ཕ་རོལ་གྱི་ཡུལ་རྣམས་ལ་མཆོག་ཏུ་ཞེན་པ། གཅིག་ལ་གཅིག་ཟ་བ་ལ་བརྩོན་པ། བཅོམ་ལྡན་འདས་ཀྱིས་སྔོན་གསུངས་པའི་དུས་འཇིག
iiif viewer powered by OpenSeadragon
