| e-texts navigator |
| Wylie |
302a1 དང་། སེམས་ཅན་རྣམས་ལ་སྙིང་རྗེའི་དབང་གིས་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་དུ་གཟུགས་དང་། ཆ་ལུགས་དང་། སྤྱོད་ལམ་སྣ་ཚོགས
302a2 ཀྱིས་ཐེག་པ་ཆེན་པོའི་མདོ་སྡེ་སྣ་ཚོགས་འཆད་པ་དང་། སེམས་ཅན་ཡོངས་སུ་སྨིན་པར་བྱ་བ་དང་། རྒྱལ་རིགས་གདོལ་པ་ནས་དགེ་སྦྱོང་གདོལ་པའི་བར་དུ་སྡིག་པའི་ཆོས་ལས་སྤང་བ་དང་། ཐམས་ཅད་དགེ་བའི་ཆོས་ལ
302a3 གཞག་པར་ནུས་སོ། །བཅོམ་ལྡན་འདས་ཀྱིས་འདི་བསྟན་པའི་ཚེ་ལྷ་དང་མིའི་སྐྱེ་དགུ་དཔག་ཏུ་མེད། གྲངས་མེད་པ་དག་གིས་ཏིང་ངེ་འཛིན་དང་། གཟུངས་དང་། བཟོད་པ་སྣ་ཚོགས་ཐོབ་པར་གྱུར་ཏོ། །གཞན་དག་ཀྱང་ས་བཅུ
302a4 ལ་ཡེ་ཤེས་སྐྱེས་པར་གྱུར་ཏོ། །སྲོག་ཆགས་ཁྲི་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །སེམས་ཅན་དག་གི་གང་དག་རྩོད་འགྱུར་བ། །དེ་དག་གི་ནི་གཞི་ཡི་རྩ་བ་སྤོངས། །མྱུར་དུ་མཐོང་བར་འགྱུར་བ་དག་གིས་ནི
302a5 རྩ་བའི་བཞི་པོར་ཐམས་ཅད་འགྱུར་བར་གྱིས། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན
302a6 ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ནམ་མཁའི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།
302a7 @#། །རྒྱ་གར་སྐད་དུ། ཨཱརྱ་ཨུ་པཱ་ཡ་ཀཽ་ཤ་ལྱ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཐབས་མཁས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་།
302a8 བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན། ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་བརྒྱད་ཁྲི་བཞི
iiif viewer powered by OpenSeadragon
