| e-texts navigator |
| Wylie |
269b1 ཐ་ན་མེ་ཏོག་སྙིམ་པ་གང་ཙམ་འམ། མར་མེ་གཅིག་ཙམ་འབུལ་བ་འམ། གཞན་བསོད་ནམས་བྱེད་པ་རྣམས་ལ་རྗེས་སུ་ཡི་རང་བ་དང་། ལྷ་འམ་མི་རྣམས་ཀྱི་དགེ་བ་འདི་རྣམས་བྱེད་པ་ནི་དེའི་དུས་སུ་བྱོན་པའི་ཡང
269b2 དག་པར་རྫོགས་པའི་སངས་རྒྱས་བྱམས་པ་མཐོང་བར་འགྱུར་རོ། །དེ་ལ་ཡང་དག་པར་རྫོགས་པའི་སངས་རྒྱས་བྱམས་པ་མཐོང་བར་འདོད་པ་རྣམས་ཀྱིས་སྦྱིན་པ་གཏོང་བ་དང་། ཚུལ་ཁྲིམས་སྲུང་བ་དང་། གསོ་སྦྱོང་གི
269b3 ལས་བྱེད་པ་དང་། སྒོམ་པར་བྱེད་པ་དང་། དགེ་བའི་ལས་ཀྱི་བག་ཡོད་པར་གྱུར་ན་གདོན་མི་ཟ་བར་མཐོང་ངོ་། །གང་ཞིག་ཚངས་པར་སྤྱད་པ་སྤྱོད། །ཐུབ་པའི་གསུང་རབ་ཐོས་པ་དང་། །དེ་རྣམས་འཁོར་བ་ལས
269b4 གྲོལ་ཞིང་། །བླ་མེད་མཆོག་གྱུར་འཆི་བ་མེད། །ཚངས་པར་སྤྱད་པ་སྤྱོད་བྱེད་ཅིང་། །མཆོད་འོས་རྣམས་ལ་སྟེར་བ་དང་། །གསོ་སྦྱོང་རྣམས་ལ་གནས་པ་དང་། །ལེགས་པར་བྱམས་པ་བསྒོམ་པར་གྱིས། །བག་ཡོད་པར་ནི
269b5 འགྱུར་བ་དང་། །རྟག་ཏུ་བསོད་ནམས་བྱ་བ་བྱེད། །དགེ་བ་འདི་རྣམས་བྱས་པ་ཡིས། །སྡུག་བསྔལ་མཐར་ནི་བྱེད་པའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ད་གེ་སློང་དེ་དག་བཅོམ་ལྡན་འདས་ཀྱིས
269b6 གསུངས་པ་ལ་མངོན་པར་བསྟོད་དོ། །བྱམས་པའི་མདོ་རྫོགས་སྷོ།། །།@#། ། རྒྱ་གར་སྐད་དུ། མཻ་ཏྲི་བྷཱ་བ་ན་སཱུ་ཏྲ། བོད་སྐད་དུ། བྱམས་པ་བསྒོམ་པའི་མདོ། འཕགས་པ་དཀོན་མཆོག་གསུམ་ལ་གུས
269b7 པས་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང
269b8 རྣམས་བོས་ནས། དགེ་སློང་དག་བཙུན་པ་བཅོམ་ལྡན་འདས་ཀྱི་སྤྱན་སྔར་སོ་སོར་འོངས་པ་ལ་བཅོམ་ལྡན་འདས་ཀྱིས་ཀྱང་འདི་སྐད་ཅེས་བཀའ་སྩལ་ཏོ། །སེམས་རྣམ་པར་གྲོལ་བར་བྱ་བའི་ཕྱིར་བྱམས་པ་བསྒོམ་པར་བྱའོ། །
iiif viewer powered by OpenSeadragon
