| e-texts navigator |
| Wylie |
466a1 འཇུག་པར་འདོད་པ་རྣམས་དང་། བྱང་ཆུབ་སེམས་དཔའ་ཆེན་པོའི་ཆོས་ཉིད་ཀྱི་དམ་ཚིག་ཐོབ་པར་འདོད་པ་རྣམས་དང་། རྟག་པར་རྒྱུན་མི་འཆད་པ་དང་།
466a2 བར་ཆད་མེད་པར་རྒྱུད་ཆེན་པོའི་དེ་ཁོ་ན་རྟོགས་པར་འདོད་པ་རྣམས་དང་། དེ་བཞིན་གཤེགས་པའི་ཡོན་ཏན་གྱི་རྒྱན་གྱིས་བདག་ཉིད་བརྒྱན་པར་འདོད་པ་རྣམས་ཀྱིས་ཡོན
466a3 ཏན་གྱི་ཚོགས་ཆེན་པོ་བསགས་པའི་ཕྱིར་དེ་བཞིན་གཤེགས་པ་རྣམས་ཀྱིས་བསྟོད་ཅིང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཡང་དག་པར་བསྟན
466a4 པ་འདི་ཐོག་མར་སྒྲིམ་པ་ཆེན་པོས་དེ་བཞིན་གཤེགས་པ་ཐམས་ཅད་བསམ་པའི་ཆོ་ག་ཇི་སྐད་བསྟན་པ་བཞིན་དུ་བླང་བར་བྱའོ། །སྙིང་རྗེའི་མཆོག་ཅེས་བྱ་བའི་གཟུངས
466a5 རྫོགས་སོ། ། །།རྒྱ་གར་སྐད་དུ། ཨཱཪྱ་པུཥྤ་ཀཱུ་ཊ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་མེ་ཏོག་བརྩེགས་པ་ཞེས་བྱ་བའི་གཟུངས། སངས་རྒྱས་དང་།
466a6 བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཚོ་ཆེན་པོ་མ་དྲོས་པ་ན་ཀླུའི་རྒྱལ་པོ་མ་དྲོས
466a7 པའི་ཁང་པ་ན་དགེ་སློང་ལྔ་བརྒྱའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། བྱང་ཆུབ་སེམས་དཔའི་ཚོགས་ཆེན་པོ་འཇིག་རྟེན་གྱི་ཁམས
iiif viewer powered by OpenSeadragon
