| e-texts navigator |
| Wylie |
424b1 མ་དྲག་བར་བསྐོར་ཞིང་སྒྲ་ཡང་ཧ་ཅང་གསང་མི་མཐོ་བར་བརྗོད་ན། ཀླུ་རྣམས་སེར་བ་མི་འབེབས་པར་འགྱུར་རོ། །ཆང་སྲུང་བར་འདོད་པས་ནི། །ཆང་གི་རྫས་རྣམས་ཡུངས་ཀར་ལ
424b2 ལན་བདུན་བསྔགས་ན་ཐུབ་པར་འགྱུར་རོ། །ནད་ཞི་བར་འདོད་པ་ལ་ནི། ནད་དང་མཐུན་བའི་སྨན་ནམ་ཆུ་ལ་ལན་བདུན་བསྔགས་ཏེ་འཐུངས་སམ་བྱུགས་ན་ནད་ལས་གྲོལ་བར་འགྱུར
424b3 རོ|་|ལས་གང་བྱེད་པ་ཐམས་ཅད་ལའང་ལན་བདུན་བཟླས་བརྗོད་བྱས་ན་བསམ་པ་དེ་འགྲུབ་པར་འགྱུར་རོ། །འཕགས་པ་རྡོ་རྗེ་འཇིགས་བྱེད་ཀྱི་གཟུངས་ཞེས་བྱ་བ་མ་རུངས་པ་ཕྱིར
424b4 ཟློག་པ་རྫོགས་སོ། ། །།འཕགས་པས་གསུངས་པའི་གཟུངས་རྣམས་རྣམ་མང་ཡང་། །རྡོ་རྗེ་འཇིགས་བྱེད་ཞལ་ནས་གསུངས་བའི་གཟུངས། །བསྲུང་བྱའི་ལས་བདུན་ལྡན
424b5 པའི་གཟུངས་མཆོག་འདི། །ཀུན་གྱིས་ཐུན་མོང་མ་ཡིན་རྣལ་འབྱོར་དམ་པའི་གཟུངས། །རྣལ་འབྱོར་གྱི་རྣལ་འབྱོར་ཆེན་པོ་དོན་ཡོད་རྡོ་རྗེའི་ཞལ་སྔ་ནས་བསྒྱུར་ནས་བོད་ཀྱི་བནྡྷེ་སྐྱོ་འོད
424b6 འབྱུང་ལ་གནང་ངོ་། ། །།རྒྱ་གར་སྐད་དུ། ཤྲི་རཀྟ་ཡ་མཱ་རི་ཏནྟྲ་ར་ཛ་ནཱ་མ། བོད་སྐད་དུ། དབལ་གཤིན་རྗེ་གཤེད་དམར་པོ་ཞེས་བྱ་བའི་རྒྱུད་ཀྱི་རྒྱལ་པོ། དཔལ་གཤིན་རྗེ
424b7 གཤེད་དམར་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའི
iiif viewer powered by OpenSeadragon
