| e-texts navigator |
| Wylie |
247b1 ཡུག་ཏི་ལ་དང་། བོད་ཀྱི་ལོ་ཙྪ་བ་བླ་བན་ཆོས་ཀྱི་བརྩོན་འགྲུས་ཀྱིས་ཞུས་ཏེ་བསྒྱུར་ཅིང་གཏན་ལ་ཕབ་པའོ།། །།དཀོན་མཆོག་གསུམ་ལ་ཕྱག་འཚལ་ལོ། །གནོད་སྦྱིན་གྱི་སྡེ་དཔོན་ཆེན་པོ
247b2 ལག་ན་རྡོ་རྗེ་དྲག་པོ་ལ་ཕྱག་འཚལ་ལོ། །ོཾ་མུ་ཙི་ནི་སྭཱ་ཧཱ། མུ་ཁེ་ས་སྭཱ་ཧཱ། མོ་ཧ་ནི་སྭཱཧཱ། དིནྟི་རི་སྭཱ་ཧཱ། ཆོ་ག་ནི། ཆུ་ཁྱོར་བ་གང་ལ་བཟླས་པ་བྱས་ཏེ་འཐུངས་ནས་སེམས་བཞིན་དུ་ཉལ་ན། ལག་ན
247b3 རྡོ་རྗེས་རྨི་ལམ་སྟོན་པར་འགྱུར་རོ། །རྨི་ལམ་མཐོང་བ་ཞེས་བྱ་བའི་གཟུངས་རྫོགས་སོ།། །།རྒྱ་གར་སྐད་དུ། ནཱི་ལཱམྦ་ར་དྷ་ར་བཛྲ་པཱ་ཎི་ཡཀྵ་མ་ཧཱ་རུ་དྲ་བཛྲཱ་ན་ལ་ཛི་ཧྭཱ་ཏནྟྲ་ནཱ་མ། བོད་སྐད
247b4 དུ|་ཕྱག་ན་རྡོ་རྗེ་གོས་སྔོན་པོ་ཅན་གནོད་སྦྱིན་དྲག་པོ་ཆེན་པོ་རྡོ་རྗེ་མེ་ལྕེའི་རྒྱུད་ཅེས་བྱ་བ། འཕགས་པ་ཕྱག་ན་རྡོ་རྗེ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན
247b5 འདས་ཐམས་ཅད་འབྱུང་བའི་ཡུམ་བཙུན་མོའི་བྷ་ག་ལ་བཞུགས་ཏེ། དེ་ནས་གནོད་སྦྱིན་དྲག་པོ་བྱེ་བ་ཕྲག་བཅུ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་དྲག་ཅིང་གཏུམ་པའི
247b6 རིགས་ཇི་སྙེད་པ་ཐམས་ཅད་ཐབས་ཅིག་གོ་། དེ་ནས་བཅོམ་ལྡན་འདས་དྲག་པོའི་སྐྱིལ་མོ་ཀྲུང་བཅས་ནས་གཡས་པ་ནམ་མཁའ་ལ་བསྒྲེང་། གཡོན་པ་ས་ལ་བགྲད་ནས་སྤྱན་ལྡོག་པས་ཕྱོགས་བཅུར་གཟིགས
247b7 ཏེ་ཞལ་ནས་ཧཱུཾ་ཧ་ཞེས་པའི་སྒྲ་ཆེར་བྱུང་ངོ་། །དེ་ནས་འཁོར་ཐམས་ཅད་གཙོ་བོ་མི་སྣང་བས་ཡུན་རིང་དུ་བརྒྱལ་བར་གྱུར་ཏོ། །དེའི་སྐད་ཅིག་དེ་ལ་བཅོམ་ལྡན་འདས་ཀྱི་སྤྱི་བོའི་གཙུག་ནས་སངས་རྒྱས
iiif viewer powered by OpenSeadragon
