| e-texts navigator |
| Wylie |
243a1 @#། །སྦྱར|་|རེ་མིག་ཆ་ལ་བསྐོར་སྔགས་འགོད། །དུ་ཏྲི་པ་ཏྲི་དཀོར་བ་ཁཾ་རྦད། ཡ་ཏྲི་དཀོར་བ་ཁཾ་རྦད། ཡུངས་ཀར་ཁྲག་སྣ་དུག་སྣས་བྲབ། །ཡང་ན་ཆུ་བོའི་གཞུང་ལ
243a2 བསྐུར། །ཡང་ན་ཕུགས་རྡུགས་གྲོག་པོར་མནན། །དེའི་ཚེ་ཞིང་ལྕགས་དྲག་ཏུ་བསྣུན།། །།དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ་ལས། དཔལ་རྡོ་རྗེ་གཏུམ་པོ་ཐུགས
243a3 གསང་བའི་རྒྱུད་ཕྱི་མ་རྫོགས་སོ། ། །།རྒྱ་གར་གྱི་སློབ་དཔོན་ཨ་བ་ཡུ་ག་ཏི་ལ་དང་། བོད་ཀྱི་ལོཙྪ་བ་བླ་བན་ཆོས་ཀྱི་བརྩོན་འགྲུས་ཀྱིས་ཞུས་ཏེ་བསྒྱུར་ཅིང་གཏན་ལ་ཕབ་པའོ།། །།རྒྱ་གར་སྐད་དུ། ཤྲཱི་བཛྲ་ཙཎྜ་ཙིཏྟ་གུ་ཧྱ་ཏནྟྲ་ཨུཏྟ་རོཏྟ་ར། བོད་སྐད་དུ། དཔལ་རྡོ་རྗེ་ག་ཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ། བཅོམ་ལྡན་འདས་དཔལ་རྡོ་རྗེ་གཏུམ་པོ་ལ་ཕྱག་འཚལ
243a4 ལ་ཨོ|་|དེ་ནས་འཁོར་དེ་ན་གནོད་སྦྱིན་ལག་ན་རྡོ་རྗེ་གཏུམ་པོ་ཞེས་བྱ་བ་འཁོད་པ་སྟན་ལས་ལངས་ཏེ་བུས་མོ་གཡས་པའི་ལྷ་ང་ས་ལ་བཙུགས་ནས་མིག་འཛུམ་དང་བཅས་པས་རང་གི་སྤྱོད་པ
243a5 ལས་ཤིན་ཏུ་སྤ་གོང་བར་བྱས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏེ། །ཀྱེ་བཅོམ་ལྡན་འདས། སླད་མའི་དུས་ན་གདུག་བཅན་གྱིས་སེམས་ཅན་ལ་རྣམ་པར་འཚེ་ཞིང་རྣམ་པ་གསུམ
243a6 གྱིས་སེམས་ཅན་མ་རུངས་པར་བགྱིད་དེ། རེག་པའི་དུག་གིས་ཀྱང་རབ་ཏུ་ཡང་གཟིར་བར་བགྱིད་དོ། །ཁ་རླངས་ཀྱི་དུག་གིས་ནི། རབ་ཏུ་མྱོས་ཤིང་ཤིན་ཏུ་ཡང་ལྕི་བར་བགྱིད་དོ། །མཐོང་བའི
iiif viewer powered by OpenSeadragon
