| e-texts navigator |
| Wylie |
187b1 ནས་དང་། ཞུ་ཆེན་གྱི་ལོ་ཙཱ་པ་ཁུ་སྟོན་དངོས་གྲུབ་ཀྱིས་བསྒྱུར། སླད་ནས་བླ་མ་དེ་ཉིད་དང་། དགེ་སློང་ཚུལ་ཁྲིམས་རྒྱལ་བས་ཞུས་ཤིང་གཏན་ལ་ཕབ་པ། ཡེ་ཤེས་རྡོ་རྗེ་ཀུན
187b2 ལས་བཏུས། །རྣལ་འབྱོར་ཆེན་པོའི་གསལ་བྱེད་ཡིན། །ཡེ་ཤེས་རང་བཞིན་འཁོར་བ་དང་། །མྱ་ངན་འདས་པའི་ངོ་བོ་ལ། །དེ་གཉིས་དབྱེར་མེད་རྡོ་རྗེ་སྟེ། །ཀུན་འདིར་འདུས་པས་ཀུན
187b3 ལས་བཏུས། །དེ་སྟོན་པ་ལ་དེར་བརྟགས་ནས། །གཞུང་ལའང་མིང་དོན་འཚམ་པ་ཡིན།། །།རྒྱ་གར་སྐད་དུ། ཙ་ཏུར་དེ་ཝི་བ་རི་པྲྀཙྪཱ། བོད་སྐད་དུ། ལྷ་མོ་བཞིས་ཡོངས་སུ་ཞུས
187b4 པ|་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ལྷ་མོ་བཞི་དང་མཉམ་ལྡན་ཞིང་། །སངས་རྒྱས་གཟུགས་ཀྱིས་ཉེར་བརྒྱན་པ། །ཤིན་ཏུ་དགའ་བའི་སྦྱོར་ཆེན་ལ། །རྡོ་རྗེ་སེམས་དཔའ
187b5 ཆེར་བཞུགས་ཏེ། །འོད་ཟེར་འཆང་ཞིང་འཁྲིགས་པ་ཡི། །གསང་ཆེན་ཆོས་ཀྱི་འབྱུང་གནས་ལ། །བྱང་ཆུབ་སེམས་ནི་འཕྲོས་ནས་སུ། །ཆོས་ཀྱི་དབྱིངས་གནས་ཞུ་མཛད་དོ། ཞུ་བའི་དངོས
187b6 པོ་དེ་མཐོང་ནས། །ལྷ་མོ་སྤྱན་མས་ཡོངས་ཞུས་པ། །བཅོམ་ལྡན་རྡོ་རྗེ་སེམས་དཔའ་ལ། །ཚིག་འདི་དག་ནི་གསོལ་བ་སྟེ། །ཆོས་ཀྱི་དབྱིངས་རྣམས་འཕྲོ་བ་ནི། །གང་ལས་སྐྱེ་བར་འགྱུར་པ
187b7 ལགས|་|དང་པོ་ཇི་ལྟར་འོང་བ་ཡིན། །དེ་བཞིན་ཕྱིར་འགྲོ་ཇི་ལྟར་ལགས། །ཡན་ལག་མེད་པ་གང་དེ་ནི། །ཡན་ལག་དང་བཅས་འགྱུར་ནས་སུ། །ལུས་དངོས་འགྱུར་བ་ཇི་ལྟར་ལགས། །
iiif viewer powered by OpenSeadragon
