| e-texts navigator |
| Wylie |
326b1 འབྱོར་མའི་སྒྲུབ་ཐབས་རྫོགས་སོ། ། །།རྒྱ་གར་གྱི་མཁན་པོ་མཁས་པ་ཆེན་པོ་ཛཱ་ཡ་སེ་ནའི་ཞབས་དང་། ལོཙྪ་བ་བཙུན་པ་དྷརྨ་ཡོན་ཏན་གྱིས་བསྒྱུར་བའོ།། །།
326b2 རྒྱ་གར་སྐད་དུ། ཡོ་གི་ནཱི་སཉྩཱ་ཪྱཾ། བོད་སྐད་དུ། རྣལ་འབྱོར་མའི་ཀུན་ཏུ་སྤྱོད་པ། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ། །གང་གི་དྲིན་གྱིས་བདེ་ཆེན་གནས།།
326b3 སྐད་ཅིག་གིས་ནི་ཐོབ་གྱུར་པ། །བླ་མ་རིན་ཆེན་ལྟ་བུ་ཡི། །རྡོ་རྗེ་ཅན་ཞབས་པད་ལ་འདུད། །དེ་ནས་ཡང་དག་བཤད་བྱ་བ། །ཀུན་ཏུ་སྤྱོད་པའི་ཆོ་ག་མཆོག་།འཁོར་ལོ་གསུམ
326b4 བདག་འདི་སྒོམ་པ། །རྣལ་འབྱོར་ལམ་ལ་གནས་པ་ཡིན། །ལུགས་འབྱུང་ལུགས་ལས་བཟློག་པར་ནི། །རྒྱུད་དུ་སྦས་པར་གནས་གང་དེ། །བསྟན་པ་འདི་རུ་ཇི་སྐད་གསུངས། །
326b5 བཤད་པ་ཡང་ནི་དེ་བཞིན་ནོ། །སོ་སོར་བསྟན་པ་མ་ལུས་ཉིད། །བརྡ་ཡི་ཆོ་ག་རྒྱས་པ་ཡིན། །གང་གིས་ཤེས་པ་ཙམ་གྱིས་ནི། །སྒྲུབ་པ་པོ་ཡིས་གྲུབ་ཐོབ་པ། །སུམ་ཅུ་རྩ་བདུན
326b6 ཚུལ་གྱིས་ནི། །བྱང་ཆུབ་ཕྱོགས་ལ་གནས་པ་ཡིན། །འཇིག་རྟེན་དུ་ནི་བསྒོམ་བྱར་བཤད། །ཧེ་རུ་ཀ་དཔལ་འགྲོ་བའི་མཆོག་།དེ་ལ་ཐོག་མར་རྣལ་འབྱོར་གྱི་དབང་ཕྱུག་གིས
326b7 ཕུང་པོ་ལྔ་ལ་ལྷའི་ང་རྒྱལ་བསྐྱེད་པར་བྱ་སྟེ། གཟུགས་ཀྱི་ཕུང་པོ་ལ་ནི་རྣམ་པར་སྣང་མཛད་དོ། །ཚོར་བའི་ཕུང་པོ་ལ་ནི་རྡོ་རྗེ་ཉི་མའོ། །འདུ་ཤེས་ཀྱི་ཕུང་པོ་ལ་ནི་པདྨ་གར་གྱི
iiif viewer powered by OpenSeadragon
