| e-texts navigator |
| Wylie |
325b1 ཤེས་གསང་བའི་གསང་ཆེན་འདི་གསུངས་པ། དངོས་པོ་མེད་པའི་བདག་ཉིད་ཆོས། །ནམ་མཁའ་ལྟ་བུ་དྲི་མ་མེད། །སྟོང་ཉིད་ཡེ་ཤེས་རྡོ་རྗེ་ཡིས། །སྟོང་པ་ཤིན་ཏུ་རྣམ་པར་བསྒོམ། །ལེགས
325b2 སོ་ཞེས་ནི་བྱ་བ་བྱིན། །རྒྱུད་རྫོགས་པ་ཡི་སྦྱོར་པ་ལས། །ལེགས་སོ་ལེགས་སོ་ཡེ་ཤེས་ཆེ། །བཤད་པའི་རྒྱུད་ཕྱི་མ་ལས། ཕག་མོ་མངོན་པར་བྱང་ཆུབ་པ་ཞེས་བྱ་བ་རྫོགས་སོ།། །།
325b3 རྒྱ་གར་གྱི་མཁན་པོ་ཛྙཱ་ནཱ་ཀ་རའི་ཞལ་སྔ་ནས་དང་། ཞུ་ཆེན་གྱི་ལོཙྪ་བ་ཁུ་སྟོན་དངོས་གྲུབ་ཀྱིས་བསྒྱུར་ཏེ་གཏན་ལ་ཕབ་པ།། །།རྒྱ་གར་སྐད་དུ། བིདྱཱ་དྷ་རི་ཎཱི་བཛྲ་ཡོ་གི
325b4 ནཱི་སཱ་དྷ་ན་ནཱ་མ། བོད་སྐད་དུ། རིག་པ་འཛིན་པ་རྡོ་རྗེ་རྣལ་འབྱོར་མའི་སྒྲུབ་ཐབས་ཞེས་བྱ་བ། དེ་ནས་ཡང་དག་བཤད་བྱ་སྟེ། འབུམ་ཕྲག་གསུམ་པ་ལས་འབྱུང་བའི་སྒྱུ་འཕྲུལ
325b5 དྲ་བ་ཆེན་མོ་རལ་པ་གྱེན་དུ་བརྫེས་པའི་རྒྱུད་ལས་སྒྱུ་མ་ཆེན་མོ་ཞེས་བྱ་བ་སྟེ། སྙིང་གནས་སྤྲོས་པས་རྨི་ལམ་ལྟ་བུའི་ལུས་དང་། ལོངས་སྤྱོད་དམ་པའི་བདེ་བ་གཉིས་སུ་མེད་པར
325b6 གྱུར་པ་དང་། འདིར་དེའི་སྟེང་དུ་མ་ནིང་གི་ས་བོན་བལྟ་སྟེ། ས་བོན་དེ་ཡོངས་སུ་གྱུར་པ་ལས་དམར་མོ་ཞལ་སྟེང་དུ་ཕྱོགས་ཤིང་གྱེན་དུ་གཟིགས་པར། ཞབས་གཡོན་པ་ལ་འཁྱུད
325b7 པའི་ཐོད་པའི་ཕྲེང་བ་དང་། མེ་ཏོག་གི་ཕྲེང་བ་བཅིངས་པའི་ཕྱག་ཅན་མ། མེ་ཏོག་གི་ཞགས་པ་གཡོན་པའི་ཕྱག་ནའོ། །ཞབས་གཡས་པའི་རྟིང་པ་ལ་རེག་པའི་གཡས་པ་ན་རྡོ་རྗེའི
iiif viewer powered by OpenSeadragon
