| e-texts navigator |
| Wylie |
539a1 ཚིམ་པར་བྱེད། །དཔལ་རྡོ་རྗེ་མཁའ་འགྲོའི་སྙིང་པོའི་རྒྱུད་ཆེན་པོ་ལས་ལེའུ་བཅུ་བཞི་པའོ།། །།དཔལ་རྡོ་རྗེ་མཁའ་འགྲོའི་རྒྱུད་ཕྱི་མ་སྙིང་པོ
539a2 བསྡུས་པ་ཞེས་བྱ་བ་རྫོགས་སོ། ། །།རྒྱ་གར་གྱི་མཁན་པོ་ཆེན་པོ་མཆོག་གི་དབང་ཕྱུག་གི་ཞལ་སྔ་ནས་དང་། བོད་ཀྱི་དགེ་སློང་ཤཱཀྱ་བརྩོན་འགྲུས་ཀྱིས་གྲོམ་པ
539a3 རུ་ལག་རྒྱང་བུའི་ལྷ་རི་མོའི་མགུལ་གྱི་དབེན་གནས་སུ་བསྒྱུར་བའོ། ། །།གསར་བཅུག་ཁ་བསྐོང་གྲས། །།རྒྱ་གར་སྐད་དུ། ཌཱ་ཀི་ནཱི་སརྦ་ཙིཏྟ་ཨ་དྭ་ཡ་ཨ་ཙིནྟ་ཛྙཱ་ན་བཛྲ་བཱ་རཱ
539a4 ཧི་ཨ་དྷི་བྷ་བ་ཏནྟྲ་རཱ་ཛ་ནཱ་མ། བོད་སྐད་དུ། མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པ་བསམ་གྱིས་མི་ཁྱབ་པའི་ཡེ་ཤེས་རྡོ་རྗེ་ཕག་མོ་མངོན་པར་འབྱུང་བའི་རྒྱུད
539a5 ཀྱི་རྒྱལ་པོ་ཞེས་བྱ་བ། མགོན་པོ་དཔའ་བོ་འཇིགས་བྱེད་དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། ཕྱི་དང་ནང་དང་གསང་བའི་དུར་ཁྲོད
539a6 ཆེན་པོའི་གནས་མཆོག་ཏུ་གྱུར་པ་ན། བཅོམ་ལྡན་འདས་ཞེ་སྡང་འཇོམས་པའི་ཧེ་རུ་ཀ་དང་། གཏི་མུག་འཇོམས་པའི་ཧེ་རུ་ཀ་དང་། ང་རྒྱལ་འཇོམས་པའི་ཧེ་རུ་ཀ་དང་།
539a7 འདོད་ཆགས་འཇོམས་པའི་ཧེ་རུ་ཀ་དང་། ཕྲག་དོག་འཇོམས་པའི་ཧེ་རུ་ཀ་དང་། ཡུམ་སངས་རྒྱས་སྤྱན་དང་། །ཡུ་མ་མཱ་མ་ཀཱི་དང་། ཡུམ་གོས་དཀར་མོ་དང་། ཡུམ་དམ་ཚིག
iiif viewer powered by OpenSeadragon
