| e-texts navigator |
| Wylie |
240a1 ཤུ་རྩ་ལྔ་བདག་ཉིད་སོགས། །བསམ་གཏན་ཕྱག་རྒྱའི་གཉིས་དག་ཉིད། །ཅུང་ཟད་ཙམ་གྱི་ཉི་མ་ཡིས། །དངོས་གྲུབ་ཡང་དག་འབྱུང་བར་འགྱུར། །ཞི་བ་དབང་དང
240a2 རེངས་པ་དང་། །སྲིད་པ་འཇིག་པར་བྱེད་པ་ནི། །ཞལ་གྱི་དབྱེ་བས་ཕྱེ་བ་ཉིད། །འབྱུང་བ་རྣམས་ཀྱི་དཀྱིལ་འཁོར་གནས། །ལྷ་མིན་ལག་འགྲོ་དག་གི་རིགས། །འདི་བསྒོམས་ནས་ནི་བསྒྲུབ
240a3 པར་བྱ|་|དཔལ་དམ་པ་དང་པོའི་སངས་རྒྱས་སྟོང་ཕྲག་བཅུ་གཉིས་པ་ལས་གསུངས་པ་དཔལ་དུས་ཀྱི་འཁོར་ལོ་ཞེས་བྱ་བ་ལས། ཐབས་དང་ཤེས་རབ་གཉིས་སུ་མེད་པ་སྦྱོར་བ་ཡན་ལག
240a4 དྲུག་པའི་སྒྲུབ་ཐབས་བཀོལ་བའི་དུམ་བུའོ། །རྒྱ་གར་གྱི་མཁན་པོ་ཤྲཱི་བྷ་དྲ་བོ་དྷིའི་ཞལ་སྔ་ནས་དང་། བོད་ཀྱི་ལོ་ཙཱ་བ་གྱི་ཇོ་བནྡྷེ་ཟླ་བའི་འོད་ཟེར་གྱིས་འབྲོ་དགེ་སློང་གི་ཕྱིར་བསྒྱུར་ཅིང་ཞུས་ཏེ
240a5 གཏན་ལ་ཕབ་པ། རྒྱ་གར་སྐད་དུ། ཤེ་ཀ་པྲ་ཀྲི་ཡ། བོད་སྐད་དུ། དབང་གི་རབ་ཏུ་བྱེད་པ། ཐུགས་རྗེ་ཆེན་པོ་འཕགས་པ་སྤྱན་རས་གཟིགས་ལ་ཕྱག་འཚལ་ལོ། །ཕབ་པ་བཏང་བའི་ཕྱི་ནས་མགོ་བོ
240a6 དང་ནི་སྙིང་ག་སྤྱི་གཙུག་རྣམས་དང་ལྟེ་བ་མགྲིན་པ་དང་། །གསང་བ་རྣམས་སུ་སྲུང་བ་རྒྱལ་བ་རྣམས་ཀྱིས་རང་གི་རིགས་གྱུར་རྣམས་ལ་རང་གི་རྡོར་གསུམ་གྱིས། །སློབ་མ་རྣམས་ཀྱི་ལུས་ལ་གོས་སེར་བསྐོན
240a7 ཞིང་མིག་རྣམས་བཀབ་ནས་དཀྱིལ་འཁོར་འདིར་ནི་གཞུག་པར་བྱ། །ཀུན་རྫོབ་དོན་དུ་རབ་མཆོག་ལམ་ནས་གཤེགས་ཉིད་རྣམས་ལ་བརྟུལ་ཞུགས་རྣམས་ནི་སྦྱིན་བྱ་རྟག་པ་རུ། །གསད་དང་མི་བདེན་པ
iiif viewer powered by OpenSeadragon
