| e-texts navigator |
| Wylie |
19a1 ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་གསུངས་པ་རྫོགས་སོ། ། །།ཐུན་མོང་དང་ཐུན་མོང་མ་ཡིན་པའི་གསུང་རབ་ཐམས་ཅད་ལ་དབང་འབྱོར་པའི་བདག
19a2 ཉིད་ཆེན་པོ་བླ་མ་དམ་པ་ཆོས་ཀྱི་རྒྱལ་པོའི་བཀའ་དྲིན་གྱིས་ཉེ་བར་བསྐྱངས་པ་སྒྲ་སྒྱུར་གྱི་ལོ་ཙཱ་བ་བློ་གྲོས་བརྟན་པས། བསམ་གཏན་གླིང་གི་དབེན་གནས་སུ་བསྒྱུར་ཞིང་དག་པར་བྱས་པའོ།
19a3 སྔོན་གྱི་སྒྲ་སྒྱུར་ཆེན་པོ་དེ་དག་གིས། །རྒྱུད་འདི་བསྒྱུར་ཅིང་ཀུན་ལ་གྲགས་ལགས་མོད། །འོན་ཀྱང་སྒྲ་དོན་གཙུག་ལག་ཇི་བཞིན་དུ། །རྒྱུད་འདི་བློ་བརྟན་གཉིས་པས་ལེགས་པར་བསྒྱུར། །
19a4 རྒྱ་གར་སྐད་དུ། ཥེ་ཀྐོདྡེ་ཤ་།བོད་སྐད་དུ། དབང་མདོར་བསྟན་པ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཟླ་བ་བཟང་པོས་གསོལ་པ། སྟོན་པ་དབང་བསྐུར་རྣམ་བདུན་དང་། །རྣམ
19a5 གསུམ་དེ་བཞིན་བླ་ན་མེད། །འཇིག་རྟེན་འདས་པའི་དངོས་གྲུབ་ཕྱིར། མདོར་བསྡུས་པ་ཡིས་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་ཟླ་བཟང་དབང་བསྐུར་དོན།
19a6 རྣམ་པ་བདུན་དང་རྣམ་གསུམ་མཆོག་།རྩ་ཡི་ཀུན་སྤྱོད་རྩོལ་བ་ནི། །མདོར་བསྟན་པ་ཡིས་ཁྱོད་ལ་བཤད། །རྒྱུད་དུ་མདོར་བསྟན་རྣམ་གསུམ་དང་། །རྒྱས་པར་བཤད་པ་རྣམ་གསུམ་འགྱུར། །རབ་ཏུ
19a7 མདོར་བསྟན་མདོར་བསྟན་ཆེ། །རབ་ཏུ་རྒྱས་པར་བཤད་པ་གཞན། ། མདོར་བསྟན་རྒྱས་པར་བཤད་པ་ཉིད། །རྒྱུད་ཡང་དག་པར་བསྡུས་བར་བརྗོད། །རབ་ཏུ་མདོར་བསྟན་རྒྱས་བཤད་པ། །དཀའ
iiif viewer powered by OpenSeadragon
