| e-texts navigator |
| Wylie |
337b1 བསུང་ལྡན་དུ་སྐྱེ་བར་འགྱུར་ཞེས་ང་སྨྲའོ། །ངན་སོང་བཞིའང་དེ་དག་གི་སྤྱོད་ཡུལ་གྱི་སར་མི་འགྱུར་རོ། །སྤྲིན་ཆེན་སྙིང་པོ། །དེ་བས་ན། ད་ནི། བཅོམ་ལྡན་འདས་འཇིག་རྟེན་གྱི་ཁམས་གཙང་མ་སྦྱོང་བ་དང་།
337b2 བསྐལ་པ་གཙང་ཞིང་བདེན་པའི་མཚམས་ཞེས་བྱ་བ་དང་། དེ་བཞིན་གཤེགས་པ་གཙང་ཞིང་བདེན་པའི་མཚམས་འཕེལ་བར་མཛད་པ་ཞེས་བྱ་བའི་ཡོན་ཏན་གཟུང་བ་སྨྲའོ། །དེ་ནས་འཁོར་ཆེན་པོའི་ནང
337b3 ནས་ལྷ་དང་མིའི་ཚོགས་ཚད་མེད་པས་བཅོམ་ལྡན་འདས་ལ་མཆོད་པ་ཆེན་པོའི་ལས་བྱས་ཏེ་གར་བྱས། གླུ་བླངས་ནས་བཅོམ་ལྡན་འདས་དེའི་བྱང་ཆུབ་སེམས་དཔའི་སྤྱོད་པ་ལ་སེམས་བསྐྱེད་དོ། །འདི་ནི།
337b4 མ་འོངས་པའི་སེམས་ཅན་བྱེ་མ་སྙེད་དག་ལུང་སྟོན་པ་སྤྲིན་ཆེན་པོའི་མདོ་ཚེག་དབར་བརྒྱད་པར་སྦྱར་བའི་ལེའུ་འབུམ་པ་ལས་ལུང་བསྟན་པའི་རྒྱུད་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ
337b5 ནས་སྤྲིན་ཆེན་སྙིང་པོ་ལ་སོགས་པ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་རྣམས་ཡི་རང་སྟེ་བཅོམ
337b6 ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སྤྲིན་ཆེན་པོ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བནྡྷེ
337b7 ཡེ་ཤེས་སྡེས་ཞུས་ཏེ་གཏན་ལ་ཕབ་པ། རྒྱ་གར་སྐད་དུ། ཨཱཪྱ་མ་ཧཱ་མེ་གྷ་སཱུ་ཏྲཱ་ཏ་ད་ཤ་དིག་བོ་དྷི་སཏྭ་ས་མུ་དྲ་སནྣི་པ་ཏི་མ་ཧོ་ཏྭ་བ་བི་ཀྲཱི་ཊི་ཏ་ནཱ་མ་པ་རི་བརྟ། བོད་སྐད་དུ། འཕགས་པ་སྤྲིན་ཆེན་པོའི་མདོ
iiif viewer powered by OpenSeadragon
