| e-texts navigator |
| Wylie |
222b1 འདི་གཏད་ཀྱི། ནམ་འོངས་པ་ན་དེ་གཉིས་ལ་གཏོད་ཅིག་ཅེས་དེ་སྐད་བཀའ་སྩལ་ནས་བཅོམ་ལྡན་འདས་གདུལ་བར་བྱ་བའི་དབང་གིས་ནད་པའི་ཚུལ་དུ་བཞུགས་པར་བསྟན་ཏེ
222b2 གཟིམས་ཁང་ལོགས་སུ་ཟུར་གྱིས་གཟིམས་སོ། །ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་དམ་པའི་ཆོས་གསུང་རབ་ཐམས་ཅད་ཀྱི་སྙིང་པོར་གྱུར་པ། རྒྱུད་ཕྱི་མ་ལྟ
222b3 བུ་རྟོགས་པར་དཀའ་བའི་ཆོས་ཀྱི་འབྱུང་གནས། གཅིག་ཏུ་དེ་བཞིན་གཤེགས་པའི་སྙིང་པོ་སྟོན་པའི་མདོ་ལ་ལེའུ་ཉི་ཁྲི་ལྔ་སྟོང་ཡོད་པ་ལས། ལྷ་དང་། མི་དང་། ལྷ་མ་ཡིན་དང་།
222b4 མིའམ་ཅི་དང་། རིགས་སྔགས་འཆང་དང་། སྲིན་པོ་ལ་སོགས་པ་འདུས་པས་ཞུས་པ་ཞེས་བྱ་བའི་ལེའུ་རྫོགས་སོ།། །།ཤླཽ་ཀ་སུམ་སྟོང་དགུ་བརྒྱ་མཆིས། རྒྱ་གར
222b5 གྱི་མཁན་པོ་ཛི་ན་མི་ཏྲ་དང་། ཛྙཱ་ན་གརྦྷ་དང་། ཞུ་ཆེན་གྱི་ལོ་ཙཱ་བ་བནྡྷེ་དེ་བ་ཙནྡྲས་བསྒྱུར་ཏེ་གཏན་ལ་བབ་པ། །རྒྱ་གར་སྐད་དུ། ཨཱཪྱ་མ་ཧཱ་པ་རི་ནི་རྦཱ་ཎ་སཱུ
222b6 ཏྲ|་བོད་སྐད་དུ། འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས
222b7 ཐོས་པ་དུས་གཅིག་ན། བཅོམ་ལྡན་འདས་ཀུ་ཤའི་གྲོང་ཁྱེར་ཆེན་པོ་གྱད་ཀྱི་ཉེ་འཁོར་ཤིང་སཱ་ལ་ཟུང་གི་ཚལ་ན་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང
iiif viewer powered by OpenSeadragon
