| e-texts navigator |
| Wylie |
441b1 བ་གྲོལ་བར་བྱས་ནས། སྔར་གྱི་གཟུགས་བཞིན་དུ་གང་སུ་ཞིག་གིས་ལྷ་མ་ཡིན་གྱི་དབང་པོ་ཐགས་བཟང་རིས་ཀྱིས་དྲུང་དུ་སོང་ཞིང་སོང་ནས། སེམས་མི་དགའ་ཞིང་ཡི་མུག་པས་བ་སྤུ
441b2 ལངས་པར་གྱུར་པས་ཕྱོགས་གཅིག་ཏུ་འདུག་གོ་། ཕྱོགས་གཅིག་ཏུ་འདུག་ནས་ཡང་ལྷ་མ་ཡིན་གྱི་དབང་པོ་སྒྲ་གཅན་འཛིན་ལ། ལྷ་མ་ཡིན་གྱི་དབང་པོ་ཐགས་བཟང་རིས་ཀྱིས་ཚིགས
441b3 སུ་བཅད་པ་སྨྲས་པ། ཅི་ཕྱིར་ཡིད་ནི་སྐྲག་པར་གྱུར། །སྒྲ་གཅན་འཛིན་གྱིས་ཟླ་བ་ཐོངས། །གཟུགས་ཀྱི་རྣམ་འགྱུར་ཀུན་ཏུ་ངན། །ཅི་ཕྱིར་འཇིགས་པས་འདི་དུ་ལྷགས། །སྒྲ་གཅན
441b4 འཛིན་གྱིས་སྨྲས་པ། སངས་རྒྱས་ཚིགས་བཅད་ཐོས་ནས་ནི། །ཟླ་བ་བདག་གིས་མ་བཏང་ན། །མགོ་བོ་ཚལ་པ་བདུན་འགས་ཤིང་། །འཚོ་བ་ལ་ནི་བདེ་བ་མེད། །ཟླ་བའི་མདོ་རྫོགས
441b5 སོ||་||པཎྜི་ཏ་ཆེན་པོ་ཨཱ་ནནྡ་ཤྲཱིའི་ཞལ་སྔ་ནས། མང་དུ་ཐོས་པའི་ལོ་ཙཱ་བ་ཤཱ་ཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས་སྐད་གཉིས་སྨྲ་བ་རྣམས་ཀྱི
441b6 གདན་ས། གཙུག་ལག་ཁང་ཆེན་པོ་དཔལ་ཐར་པ་གླིང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། །སའི་སྟེང་དུ་ཉི་མ་དང་། ཟླ་བ་ལྟར་གྱུར་ཅིག། །།རྒྱ་གར་སྐད
441b7 དུ|་མ་ཧཱ་མཾ་ག་ལ་སྟ་ཏ། བོད་སྐད་དུ། བཀྲ་ཤིས་ཆེན་པོའི་མདོ། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས
iiif viewer powered by OpenSeadragon
